Un total di 42 scol a participa den Weganan Escolar 2026

Un total di 42 scol a participa den Weganan Escolar 2026

Posted on 05/6/2026 10:05 am AST | Updated on 05/6/2026 10:05 am AST

ORANJESTAD - Durante dos siman, alumnonan di scol preparatorio, basico y avansa a participa den Weganan Escolar 2026, un competencia deportivo organiza pa promove deporte, amistad y positivismo entre hoben na Aruba.

Un total di 12 scol primario, 19 scol basico y 11 scol avansa a participa den diferente disciplina manera futbol, volleyball, kickball, Kid’s Athletic y WE Mente. E mihor scolnan a logra clasifica pa e rondanan final di competencia.

IBiSA tabata encarga cu organisacion, logistica y coordinacion di e evento deportivo. Stichting Fundacion Lotto pa Deporte a expresa satisfaccion di por a contribui na e exito di Weganan Escolar, resaltando importancia di deporte sano pa nos muchanan.

Lotto tambe a recorda cu entrada di nan diferente weganan ta contribui directamente na deporte local y subsidionan pa actividadnan deportivo riba Aruba.

  • 813 coredor lo conkista Aruba awe nochi durante e historico 34 edicion di Ronde van Aruba

    813 coredor lo conkista Aruba awe nochi durante e historico 34 edicion di Ronde van Aruba

    SAVANETA – E ambiente na Marinierskazerne Savaneta tabata yen di emocion, tension y orguyo durante briefing oficial di e 34 edicion di e famoso Ronde van Aruba, unda oficialmente a confirma cu no menos cu 813 participante lo reta nan curpa y mente den e agotador careda di 72 kilometer rond di Aruba. E evento, cu durante decenionan a bira uno di e competencianan di resistencia mas iconico di Caribe Hulandes, lo wordo cori awe diabierna 15 di mei y sigui te mainta dia siguiente. E careda, cu ta cubri practicamente henter perimeter di Aruba, ta combina resistencia fisico, disciplina mental y trabao di ekipo den un reto unico cu cada aña ta atrae mas corredor local y internacional.

  • Max Verstappen ta cuminsa careda di 24 ora di Nürburgring for di cuater posicion

    Max Verstappen ta cuminsa careda di 24 ora di Nürburgring for di cuater posicion

    NÜRBURGRING -  Max Verstappen, coredo hulandes di careda di Formula 1, y su compañeronan di ekipo lo cuminsa e famoso carrera di 24 ora di Nürburgring for di cuarta posicion. Compañero di Verstappen, Daniel Juncadella, no a logra sigui e ritmo di e Lamborghininan liher cu a conquista prome y di dos lugar durante clasificacion.

  • Exitoso Women in Para Sport Forum na Aruba

    Exitoso Women in Para Sport Forum na Aruba

    ORANJESTAD - Aruba tabata anfitrion di e di cuatro edicion di e Women in Para Sport Forum, unda participante y atleta paralimpico for di diferente pais den continente America a reuni pa tres dia di actividad y intercambio di experiencia.

  • La Leyenda Island Series 2026 ta trece un evento internacional di ciclismo na Aruba

    La Leyenda Island Series 2026 ta trece un evento internacional di ciclismo na Aruba

    ORANJESTAD - Riba diaranson 6 di mei, a firma e contract oficial entre La Leyenda Island Series y Aruba Tourism Authority (A.T.A.), marcando un paso importante den e preparacion y ehecucion di e prome edicion di La Leyenda Island Series Aruba. Entre e representantenan presente tabata Ronella Croes, CEO di Aruba Tourism Authority, hunto cu demas representantenan di A.T.A., Brian Patrick Murphy O’Neill di La Leyenda Island Series y Jeanuar de Palm di The Caribbean Trail Legends Foundation y demas representantenan.

  • Registracion pa Aruba Bank Walk & Run 2026 ta diahuebs

    Registracion pa Aruba Bank Walk & Run 2026 ta diahuebs

    ORANJESTAD - Registracion pa e 20 edicion di Aruba Bank Walk & Run 2026 ta habri  diahuebs 7 di mei pa 6or di atardi via e sistema online. Participantenan por registra via website di Aruba Bank, social media of Aruba Bank Walk & Run App.

  • Despues di un pausa forza, careda di Formula Uno ta bek na Miami e weekend aki

    Despues di un pausa forza, careda di Formula Uno ta bek na Miami e weekend aki

    MIAMI - Formula 1 ta bolbe den accion despues di un pausa forsa di cinco siman, causa pa e conflicto den Iran cu a laga cancela GP di Bahrein y Saudi-Arabië. E temporada ta sigui e fin di siman aki na Miami, cu un “fresh start” parcial gracias na regla nobo y auto mehora.

  • Powered by SETAR