- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Diferencia entre rico y pober na Hulanda ta sigui crece
AMSTERDAM - Un informe nobo di Centraal Planbureau (CPB) ta alerta cu diferencia entre hende rico y hende cu ta gana menos na Hulanda ta bira cada vez mas grandi. Segun e instituto independiente, e sistema di belasting actual no ta reduci e desigualdad, y den algun caso hasta ta contribui pa haci e problema mas grandi.
CPB ta bisa cu aunque riba papel, belasting na Hulanda ta progresivo, den practica e personanan cu ta gana mas hopi ta paga relativamente menos belasting cu e grupo cu ta subi despues di nan. Segun e informe, un parti cada vez mas grandi di entrada total ta bay pa e 1% mas rico di poblacion.
Tambe tin diferencia grandi den fortuna entre diferente grupo. Propietarionan di cas ta acumula mas capital cu hende cu ta huur, y directornan cu accionnan grandi den compania ta avanza mas rapido cu trahadornan regular. Entrada for di inversionnan y ganashi di negoshi a crece mucho mas rapido den ultim decenianan cu salario di empleado y funcionario publico.
Entre 2011 y 2019, e 0,01% cu ta gana mas hopi a mira nan entrada real subi cu 70%. Entrada real ta referi na cuanto un persona realmente por cumpra despues di inflacion. Mientras tanto, e otro 99% di poblacion solamente a mira un aumento promedio entre 4% y 8%.
Den 2019, e entrada promedio di e 1% mas rico tabata alrededor di 600.000 euro pa aña. Pa e top 0,01%, e promedio tabata mas di 13 miyon euro.
CPB ta alerta cu esaki por afecta igualdad di oportunidad den sociedad. E circunstancianan den cual un mucha ta crece y con ta situacion financiero di su famia ta determina cada vez mas su oportunidadnan pa futuro. Segun uno di e autorenan di e informe, si un mucha mester bai traha tempran pa yuda sostene cas, y no por studia, e chance ta grandi cu posteriormente e no por contribui tanto na economia.
Segun CPB, e situacion tambe ta noci pa sociedad paso talento no ta wordo usa na su maximo potencial.
E instituto ta propone cambionan den sistema di belasting pa reduci desigualdad. Entre e sugerencianan ta subi belasting riba herencia y regalo, reduci excepcionnan fiscal y ahusta diferente tarifa di belasting.
CPB tambe ta señala cu ciertonan grupo di clase medio, manera propietarionan di cas y pensionadonan, ta paga relativamente poco belasting danki na diferente areglo favorable. Segun e informe, hopi di e bentaha fiscalnan aki no tin un base economico suficientemente fuerte.
Ex minister Plasterk ta critica bishita extenso di Jetten na seis islanan di Reino
AMSTERDAM – Ex-minister di Relacionnan di Reino Ronald Plasterk a critica prome minister hulandes Rob Jetten pa su extenso bishita na Caribe Hulandes fuertemente, incluyendo Aruba. Segun Plasterk, ta “incomprendibel” cu Jetten ta dedica tanto tempo na e islanan mientras cu “mundo ta na candela”.
Douane na Hulanda a intercepta 43 miyon cigaria ilegal den un luna
ROTTERDAM - Autoridadnan di douane na Hulanda a logra intercepta mas cu 43 miyon cigaria ilegal den solamente un luna. E mayoria di e cargamentonan a wordo descubri den containernan maritimo den haf di Rotterdam, hopi biaha cu yudansa di cacho specialisa. Te awor, por lo menos diez sospechoso a wordo aresta.
Raad van State: Hulanda no a demonstra pakico Aruba mester ley pa kita nacionalidad di terroristanan
ORANJESTAD – Afdeling advisering di Raad van State di Reino Hulandes a conclui cu gobierno hulandes no a fundamenta suficientemente pakico ta necesario pa haci e ley cu ta permiti kita nacionalidad hulandes di personanan cu ta uni cu organisacionnan terrorista na exterior, algo permanente.
Eurovisie Songfestival ta cuminza: cu Israel pero sin Hulanda
AUSTRIA – Eurovisie Songfestival ta cuminza awe anochi den Stadthalle na Austria, pero e biaha aki sin participacion di Hulanda. AVROTROS a decide pa no participa despues cu organizacion EBU a confirma cu Israel lo sigui participa den festival. Austria ta organisa e evento despues cu cantante JJ a gana anja pasa cu e cancion “Wasted Love”. Ta e di tres biaha den historia cu Austria ta organiza Eurovisie. Hulanda solamente dos biaha anteriormente no a participa den festival, pero esta biaha e decision ta politico. Tambe Spaña, Slovenia, Islandia y Irlanda a decide di no participa.
Hantavirus: Stewardess hulandes di KLM ta test negativo , pero mas britaniconan infecta
AMSTERDAM - World Health Organization (OMS) a confirma cu e stewardess hulandes di KLM cu tabata den aislamiento na Amsterdam, no tin hantavirus. Testnan a confirma cu e no a wordo infecta, apesar cu durante su trabou na Johannesburg el a drenta den contacto cu un hende hulandes cu posteriormente a muri despues di a wordo infecta abordo di crucero MV Hondius.
CBCS ta lansa monedanan commemorativo pa celebracion di clasificacion di Corsou pa Mundial
AMSTERDAM - Centrale Bank van Curacao en Sint Maarten (CBCS) ta lansa dos moneda commemorativo special pa honra clasificacion historico di seleccion di futbol di Curacao pa Mundial di Futbol. Ta trata di un moneda di plata di cinco florin y un moneda di cincuenta cent.
Follow NoticiaCla
