- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Despues di un pausa forza, careda di Formula Uno ta bek na Miami e weekend aki
MIAMI - Formula 1 ta bolbe den accion despues di un pausa forsa di cinco siman, causa pa e conflicto den Iran cu a laga cancela GP di Bahrein y Saudi-Arabië. E temporada ta sigui e fin di siman aki na Miami, cu un “fresh start” parcial gracias na regla nobo y auto mehora.
ADAPTACION
FIA a haci algun adaptacion den e regla tecnico pa aumenta siguridad y mehora competicion. Entre otro, a reduci e potencia di e boost, y auto cu tin mal salida por haya un empuhe di energia pa evita situacion peligroso. Den clasificashon, pilotonan awor mester recupera menos energia, permitiendo nan tuma mas riesgo den curva.
MAX VERSTAPPEN
Aunke esakinan ta cambio importante, Max Verstappen a bisa cu esakinan no ta suficiente. Segun dje, e cambio ta “un cos chikito” y no ta e solucion cu nan realmente mester.
MEHORA AUTO
Durante e pausa, tur team a traha duro pa mehora nan auto. Mercedes a cuminsa fuerte, mientras Ferrari ta sigui como rival principal. Red Bull, sinembargo, tabata atras, en gran parti pa motibo di peso di nan auto. Reducí peso por haci gran diferencia den rendimiento. Tin expectativa cu varios team lo yega Miami cu auto mehora, incluyendo posible innovacion manera e “macarena wing” di Ferrari, cu por duna mas velocidad. Red Bull tambe por presenta algo similar.
SPRINT Y CAREDA
E fin di siman lo ta un sprint weekend, cu menos tempo pa practica y mas presion riba teamnan. Pa compensa esaki, e unico sesion di entrenamiento a wordo alarga. En resumen, F1 ta bolbe cu mas tension, algun cambio tecnico y equipo cu a prepara nan mes pa un segunda fase interesante di e temporada.
813 coredor lo conkista Aruba awe nochi durante e historico 34 edicion di Ronde van Aruba
SAVANETA – E ambiente na Marinierskazerne Savaneta tabata yen di emocion, tension y orguyo durante briefing oficial di e 34 edicion di e famoso Ronde van Aruba, unda oficialmente a confirma cu no menos cu 813 participante lo reta nan curpa y mente den e agotador careda di 72 kilometer rond di Aruba. E evento, cu durante decenionan a bira uno di e competencianan di resistencia mas iconico di Caribe Hulandes, lo wordo cori awe diabierna 15 di mei y sigui te mainta dia siguiente. E careda, cu ta cubri practicamente henter perimeter di Aruba, ta combina resistencia fisico, disciplina mental y trabao di ekipo den un reto unico cu cada aña ta atrae mas corredor local y internacional.
Max Verstappen ta cuminsa careda di 24 ora di Nürburgring for di cuater posicion
NÜRBURGRING - Max Verstappen, coredo hulandes di careda di Formula 1, y su compañeronan di ekipo lo cuminsa e famoso carrera di 24 ora di Nürburgring for di cuarta posicion. Compañero di Verstappen, Daniel Juncadella, no a logra sigui e ritmo di e Lamborghininan liher cu a conquista prome y di dos lugar durante clasificacion.
Exitoso Women in Para Sport Forum na Aruba
ORANJESTAD - Aruba tabata anfitrion di e di cuatro edicion di e Women in Para Sport Forum, unda participante y atleta paralimpico for di diferente pais den continente America a reuni pa tres dia di actividad y intercambio di experiencia.
La Leyenda Island Series 2026 ta trece un evento internacional di ciclismo na Aruba
ORANJESTAD - Riba diaranson 6 di mei, a firma e contract oficial entre La Leyenda Island Series y Aruba Tourism Authority (A.T.A.), marcando un paso importante den e preparacion y ehecucion di e prome edicion di La Leyenda Island Series Aruba. Entre e representantenan presente tabata Ronella Croes, CEO di Aruba Tourism Authority, hunto cu demas representantenan di A.T.A., Brian Patrick Murphy O’Neill di La Leyenda Island Series y Jeanuar de Palm di The Caribbean Trail Legends Foundation y demas representantenan.
Registracion pa Aruba Bank Walk & Run 2026 ta diahuebs
ORANJESTAD - Registracion pa e 20 edicion di Aruba Bank Walk & Run 2026 ta habri diahuebs 7 di mei pa 6or di atardi via e sistema online. Participantenan por registra via website di Aruba Bank, social media of Aruba Bank Walk & Run App.
Un total di 42 scol a participa den Weganan Escolar 2026
ORANJESTAD - Durante dos siman, alumnonan di scol preparatorio, basico y avansa a participa den Weganan Escolar 2026, un competencia deportivo organiza pa promove deporte, amistad y positivismo entre hoben na Aruba.
Follow NoticiaCla
