Air Transat a ricibi aprobacion pa opera vuelo regular pa Aruba

TORONTO -  E instancian federal canades Canadian Transportation Agency (CTA) a confirma cu “e solicitante ta cumpli cu tur requisito aplicabel” bou di e acuerdo di transporte aereo entre Canada y Hulanda, cu ta regula servicio pa Aruba como pais constituyente den Reino Hulandes.

E aprobacion aki ta bini den momento cu Air Transat ta restructurando su red den Caribe despues di reduccion di capacidad y un suspension prolonga di servicio pa Cuba. Siman pasa, medio Open Jaw a informa cu e compania a corta capacidad pa 2026 cu 6% riba ciertonan ruta na Europa y Caribe, citando costo di combustible mas haltu y limitacionnan den suministro, y tambe a extende e suspension pa Cuba te october pa duna prioridad na mercado nan cu ta performa mihor.

Aruba ta parce cla pa bira un destino Caribense hopi competi pa companianan di aviacion di Canada. Na final di maart, Porter Airlines tambe a ricibi aprobacion di CTA pa opera vuelo pa e isla, segun reporta door di Open Jaw.

Air Canada y WestJet ya ta ofrece servicio pa Aruba.