- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Presidente di Banco Central Corsou y St Maarten ta renuncia
WILLEMSTAD/ PHILIPSBURG – Banco Central di Corsou y Sint Maarten (CBSC) a anuncia cu su presidente, Richard Doornbosch, lo renuncia di su puesto efectivo 1 di september 2026. E decision a wordo comunica oficialmente den un comunicado di prensa publica dia 24 di april.
Segun e Banco Central, Doornbosch a tuma e decision pa sigui un oportunidad profesional nobo fuera di e organisacion y tambe fuera di Corsou y Sint Maarten. Te cu su salida oficial, e lo continua cumpli cu su responsabilidadnan cu dedicacion total.
E Conseho di Supervison a indica cu procedimiento pa identifica un sucesor adecuado a cuminsa inmediatamente. Na mes momento, e proseso di reclutamento pa e puesto di Director Financiero y Economico ta den un fase avansa, y lo wordo alinea cu e seleccion di un presidente nobo.
Den su reaccion, e Conseho di Supervison a expresa aprecio pa e contribucionnan di Doornbosch durante su mandato. Segun nan, el a aporta cambionan valioso pa e organisacion y a mustra compromiso fuerte cu e desarrollo di e banco.
CBSC ta indica cu mas informacion tocante e nombramentonan nobo lo wordo comunica na un momento apropiado.
E salida di Doornbosch ta marca un cambio importante den liderato di e institucion financiero mas importante pa Corsou y Sint Maarten, cu ta hunga un rol clave den estabilidad economico y supervision bancario den e region.
Jetten ta admiti: No a informa Islanan na tempo riba abstencion den resolucion di sclavitud di ONU
WILLEMSTAD – Prome minister hulandes Rob Jetten a reconoce cu coordinacion cu paisnan Caribeño y Surnam rond di e reciente resolucion di ONU tocante pasado di sclavitud no tabata suficiente. Segun Jetten, e posicion hulandes “no merece un premio di beyeza”.
Siman di Investigacion di Caribe Hulandes: oradornan anuncia y programa bibo
WILLEMSTAD - E Siman di Investigacion di Caribe Hulandes (DCRW2026) ta anuncia cu orguyo e oradornan principal y plenario. For di dia 17 te cu 24 di juni 2026, lidernan principal di investigacion, maneho y sociedad lo bini hunto pa seis dia di conferencia tematico riba seis isla caribense.
Corsou ta conoce su di 6 morto di trafico pa 2026 di accidente mortal na Corsou
WILLEMSTAD – E homber cu a perde su bida diahuebs mainta den un accidente di trafico riba crusada di Schottegatweg-Oost y Plutostraat a wordo identifica como Sharon Faustino Harreman. Esaki a wordo confirma door di Korps Politie Curaçao.
Jetten ta anuncia conferencia anual di Reino cu Aruba, Corsou y Sint Maarten
WILLEMSTAD/DEN HAAG - Lo tin un conferencia anual di Reino unda e cuatro paisnan dentro di Reino Hulandes lo reuni riba base di igualdad pa deliberá hunto. Esaki a wordo anuncia door di prome minister hulandes Rob Jetten durante su bishita na Curaçao.
Premier Jetten na Corsou: Reino mester traha mas hunto pa mehora bida di hende
WILLEMSTAD – Prome minister di Hulanda, Rob Jetten, a bisa cu Corsou ta sigui florece y crece, mientras cu e la ricibi un bon binida for di prome minister di Corsou, Gilmar Pisas, durante su ultimo parada di su bishita oficial den Caribe Hulandes.
Seleccion di futbol di Corsou pa Mundial ta wordo presenta diabierna
WILLEMSTAD – Segun expectative Corsou lo anuncia diabierna su seleccion provisional pa Campeonato Mundial di Futbol.
Follow NoticiaCla
