Militar mericano deteni pa usa secreto riba apuesta di caida di Nicolas Maduro

MIAMI - Un sargento mayor di Special Forces di Merca, Gannon Ken Van Dyke, a wordo deteni despues cu e la usa informacion secreto pa haci apuesta riba posible caida di Nicolás Maduro. Cu e informacion privilegia, e la logra gana alrededor di 400.000 dollar.

E militar tabata involucra den planificacion di un operacion contra Maduro, loke a dune acceso na informacion altamente confidencial. Entre december y januari,  ela pone mas di 32.000 dollar den un apuesto, incluso poco prome cu e accionnan militar a cuminsa.

Autoridadnan ta considera esaki un violacion serio cu a pone seguridad nacional den peliger. E  ta enfrenta acusacionnan pa fraude y uso ilegal di informacion di gobierno, y por ricibi un condena di varios aña di prizon.

E caso tambe ta crea preocupacion riba website di apuesta manera Polymarket, unda uso di informacion interno por genera ganashi grandi riba eventonan mundial.