“Naturalesa ta Papia”: ACF ta pidi accion urgente pa proteha medio ambiente

ORANJESTAD - Aruba Conservation Foundation (ACF) a lansa e campaña “Naturalesa ta Papia” riba Dia di Mama Tera, invitando comunidad pa reflexiona riba e estado di medio ambiente y tuma accion pa protehe esaki.

E iniciativa ta mustra e bunitesa di naturalesa di Aruba, pero tambe e presion y daño cu actividad humano ta causa. E mensahe principal ta cla: naturalesa ta manda señalnan, pero awor ta momento pa pasa di solamente scucha pa realmente actua.

ACF ta enfatisa cu proteccion di medio ambiente ta responsabilidad di tur hende—residentenan, bishitantenan y gobierno—y cu accionnan diario, manera cuida habitat y reduci impacto, ta esencial pa un futuro sostenibel.