ATA y APA a duna bon bini na tres crucero durante nan yamadanan inaugural

ORANJESTAD – Aruba Tourism Authority (ATA)  y Aruba Ports Authority (APA)  a duna bon bini na tres crucero durante nan yamadanan inaugural den april 2026. E bishitanan aki ta confirma posicion di Aruba como un destinacion lider den Caribe, cu enfasis riba turismo di calidad y sostenibilidad.

E cruceronan a wordo ricibi oficialmente cu ceremonianan tradicional di intercambio di plakkaat, simbolisando cooperacion y relacion fuerte entre Aruba y e linea di crucero.

Ademas, tur tres barco ta incorpora tecnologia y practicanan enfoca riba proteccion di medio ambiente, manera eficiencia energetico y reduccion di desperdicio. Especialmente Scenic Eclipse ta destaca den segmento di luho y expedicion, cu un enfoque riba grupo chikito y turismo responsable.

ATA y APA a reafirma nan compromiso pa sigui traha cu partnernan internacional pa mantene Aruba atractivo, mientras ta cuida pa un desaroyo turistico sostenibel y di calidad halto. Potret cortesia APA.