- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Corte di Casacion: Sentencia contra ex-minister Sevinger ta keda valido!
AMSTERDAM – Manera por a spera, Corte di Casacion a mantene e sentencia contra ex minister Benny Sevinger den caso Avestruz valido, conforme e conseho di Abogado General, cu ta nifica cu Sevinger definitivamente ta perde den e caso Avestruz.. Esaki pasobra Corte di Casacion tabata e ultimo chens pa Sevinger pa trece cambio of no. Si Corte di Casacion mantene e sentencia di corte di apelacion, ta nifica cu esaki ta e parti final di e caso, y cu Sevinger definitivamente tin cu sinta su castigo.
E PENSAMENTO DI CASACION
E condena di un ex-minister di Desaroyo Espacial, Infrastructura y Medio Ambiente (y despues di Desaroyo Espacial, Integracion y Infrastructura) na Aruba pa co-participacion den fraude contra e Pais Aruba, pa omkoping pasivo (laga su mes wordo cumpra) y verduistering, ta keda firme. Esaki a wordo confirma awe door di Hoge Raad. Mesun cos ta conta pa e condenanan di dos sospechoso co-implica, entre otro pa omkoping e minister.
E CASO CONTRA E MINISTER
Gemeenschappelijk Hof a determina cu e forma di traha tabata asina: na nomber di companianan controla pa un di e co-sospechosonan (un persona liga na su partido politico), a wordo entrega peticionnan na minister pa haya (opcion riba) derecho di erfpacht. E companianan tabata “bashí” na momento di entrega y casi sin balor.
E meta tabata pa, unavez cu e opcionnan a wordo concedi, bende e accionnan cu ganashi halto. E rol di e minister tabata cu el a aproba e peticionnan casi mesora, apesar cu tin atraso den peticionnan di otro personanan. Asina el a pone e peticionnan di su co-sospechoso prome y a evita cu nan wordo controla segun politica vigente.
Ademas, e minister a acepta regalo di e co-sospechoso durante un periodo cu el mester a tuma decision riba nan peticionnan pa erfpacht, loke ta constitui omkoping pasivo. Tambe el a usa placa di un fundacion cu e tabata maneha — destina pa su campaña electoral — pa paga un biahe priva di su esposa. Segun Hof, esaki ta verduistering.
CASTIGO
Hof a condena e ex-minister pa 48 luna di prizon, di cual 12 luna condicional. Tambe el a wordo prohibi pa ocupa cargo publico y pa wordo eligi den organonan representativo pa un periodo di seis aña.
Dos co-sospechoso a ricibi condena di 30 luna (10 condicional) y 24 luna (12 condicional). Tur tres a apela e decision den casacion.
RECLAMO DEN CASACION
Abogadonan di e ex-minister a pidi pa cancela e condena. Nan a argumenta, entre otro, cu como representante di e Pais Aruba, e minister no por a comete fraude contra e pais mes. Tambe nan a discuti cu no tin suficiente prueba cu el a usa placa di e fundacion pa otro proposito.
CONSEHO DI ABOGADO GENERAL
E Advocaat-Generaal a conseha riba 3 di februari 2026 pa declara tur reclamo sin base. Mes conclusion a wordo duna pa e caso di e co-sospechoso.
DECISION FINAL
Segun Hoge Raad, tur reclamo den casacion a wordo rechasa. Corte a indica cu e reclamonan no ta crea ningun pregunta legal nobo ni motibo pa cambia e sentencia.
Cu e decision aki, tur condena y castigo a bira definitivo. Wak e sentencia AKI.
Aruba Birdlife Conservation cu caso contra destruccion di naturaleza pa UTV y ATV
Huez a trata caso di prohicion di e-steps riba caminda publico, den corte
ORANJESTAD – Gobierno no por djis yega, y kita e-steps y e-bikes for di caminda sin mas. Y huez mester prohibi gobierno pa e paso aki y si gobierno no cumpli, e mester paga un multa. Esaki ta e peticion den liña grandi, diabierna mainta ora cu abogado di e dos companianan cu a hiba gobierno corte, Evikes y Friendly Green Bikes. Gobierno su representante (DWJZ) a argumenta cu e ‘rotzooi’ aki mester termina y cu e situacion no por sigui asina y lo para ariba pa huez prohibi e dos companianan di sigui opera cu nan aparatonan riba caminda publico.
Corte: E-step por staciona atrobe riba caminda publico temporalmente
ORANJESTAD – Corte diahuebs atardi a dicidi cu e-step por keda riba tereno publico, te ora cu e caso cu e compania(nan) cu ta doño di e stepnan por haya nan dia den corte. Esaki a bin algun ora despues cu autoridad policial y DTP a actua y piki tur e-step y scooter riba caminda publico. Minister encarga cu husticia Arthur Dowers den un reaccion na e portal 24ora.com diahuebs atardi, a mustra su lamento pa e decision di huez, y a sigura cu e lo para duro. Mientrastanto e-stepnan ta bek, pero e interesante ta cu ta permiti pa nan ta staciona riba caminda publico, pero si core cu nan, e persona por haya multa. Otro siman diabierna tin e prome caso den corte.
Sigmar Carmelia nombra como presidente di Corte Comun di Husticia
ORANJESTAD - Na Corte Comun di Husticia, sr. mr. S.A. (Sigmar) Carmelia a wordo nombra como presidente. E nombramento lo drenta na vigor riba e dia cu e Desicion Real (Koninklijk Besluit) wordo firma. E Conseho di Ministernan di Reino a duna su aprobacion pa e proposicion pa e nombramento aki, riba propuesta di secretario di estado di Husticia y Seguridad, Van Bruggen.
VIDEO: Dowers: Prematuro pa trata tema di gratie den caso Avestruz
ORANJESTAD – Despues cu e sentencia final a cay pa ex minister Benny Sevinger den e caso Avestruz siman pasa, noticiacla a publica un articulo riba e tema di ‘gratie’ osea Gracia, of pordon pa e condenado. Un tema cu Ministerio Publico a trata cu noticiacla ora cu a puntra riba e siguiente proceso. Aki ta unda cu Ministerio Publico a splica cu despues di e sentencia final, ta warda 9 dia, pa duna e condenadonan e chens pa pidi pa gratie.
Huurdo no a presenta na sesion y a perde su caso
Follow NoticiaCla
