Wardacosta ta intercepta boto sospechoso drentando Aruba cu droga y 6 persona

Wardacosta ta intercepta boto sospechoso drentando Aruba cu droga y 6 persona

Posted on 04/13/2026 9:59 pm AST | Updated on 04/13/2026 10:00 pm AST

ORANJESTAD – Wardacosta a raporta dialuna cu diadomingo madruga, Wardacosta a logra intercepta un boto sospechoso cu tabata nabega den direccion di Aruba, despues cu e Centro di Operacion Maritimo a detecta movimiento irregular riba laman.

Segun informacion oficial, mesora despues di e deteccion, unidatnan di Wardacosta a wordo manda pa sigui e contacto sospechoso. Durante e operacion, e boto a wordo identifica como uno cu probablemente tabata transporta substancia ilegal.

Durante e persecucion riba laman, algun pakete a wordo tira den awa, probablemente den intento pa elimina evidencia. Sinembargo, e boto patruyero a logra intercepta e embarcacion y hiba esaki pa e pier di Wardacosta na Aruba.

Na yegada, seis sospechoso cu tabata abordo a wordo deteni y entrega na Cuerpo Policial di Aruba, hunto cu e paketenan cu droga cu a wordo recupera. Autoridadnan a confirma cu e substancia ilegal ya a wordo destrui, mientras cu investigacion den e caso ta sigui.

E accion aki ta mustra un bez mas e rol activo di Wardacosta den combati trafico ilegal den region, y e vigilancia constante riba ruta maritimo cu ta rodea Aruba.

  • Powered by SETAR