- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Hulanda ta elimina stempel di paspoort, Corsou y Aruba ta keda cu propio sistema digital di frontera
DEN HAAG – Paspoortstempel (stempel cu ta pone den pasaporte) lo disparce na postnan di frontera di Hulanda den Europa, pero den Caribe den Reino un sistema similar ainda no ta aplicabel. Mientras Europa ta cambiando pa un solo sistema digital, islanan manera Corsou y Aruba ya a traha cu propio solucionnan, sin conexion cu sistema europeo nobo. Den Europa, e stempel tradicional ta wordo reemplasa pa Entry/Exit System (EES), un databank unda movemento di viajero no-EU ta wordo registra digitalmente, incluyendo dato biometrico manera hueya di dede y scan di cara. E sistema aki ta aplica solamente pa area Schengen, no pa Caribe den Reino. Na Corsou, digitalisacion di frontera a cuminsa tempo pasa. Biaheronan mester yena un carta di inmigracion digital (DI Card) prome, cu a reemplasa e formulario di papel. Datos ta wordo procesa di antemano pa agilisa entrada.
Tambe, Corsou ta experimentando cu paso biometrico via Curaçao Express Pass, unda biahero ta upload dato di paspoort y biometria pa despues pasa via gate automatico cu reconocimiento facial, pa baha tempo di espera. Na Bonaire, Sint Eustatius y Saba, control di frontera ainda ta mayormente tradicional bou supervision di Koninklijke Marechaussee, sin un sistema digital integra manera EES. Resultado ta cu den mesun Reino tin diferente sistema banda di otro. Europa ta opta pa centralisacion y intercambio di dato, mientras Caribe ta desaroya solucionnan adapta na nan escala y practica turistico.
Pa e biahero, esaki ta crea diferencia den experiencia. Esnan cu ta biaha via Schiphol lo pasa pa registro biometrico y tracking digital den Schengen, mientras esnan cu ta bula directo pa Corsou of Aruba ta pasa pa un sistema local diferente. NOTA: E potret cu ta compaña e articulo, ta un dramatisacion di e situacion.
Xi ta ricibi Trump na China, pero ta manda advertencia fuerte tocante Taiwan
PEKING – Presidente di China, Xi Jinping, a ricibi presidente americano Donald Trump cu hopi cordialidad durante su bishita oficial na Peking, pero a manda un mensaje cla tocante Taiwan.
Prome minister britanico Starmer no kier bay apesar di presion grandi pa renuncia
LONDRES – Prome minister britanico Keir Starmer no kier renuncia, apesar di e presion grandi den su propio partido y hasta dentro di su gabinete pa e laga su puesto. Despues di un reunion di gabinete, Starmer a bisa cu e pais ta spera cu gobierno sigui gobernando, y cu e ta pensa sigui haci esey.
Mama di Natalee Holloway ta sostene ex-fiscal di caso Vd Sloot Aruba den campaña politico
ALABAMA - Beth Holloway, mama di Natalee Holloway, a expresa apoyo publico pa Lloyd Peeples, e ex-fiscal federal cu a procesa Joran van der Sloot den e caso di extorsion conecta cu morto di su yiya.
Pasahero Mericano y Frances di Hondius a test positivo pa hantavirus
OMAHA - Pasaheronan Mericano y Frances abordo di crucero Hondius a test positivo pa hantavirus. E pasahero Mericano no tabata mustra sintomanan di e virus, segun autoridadnan di salud di Merca.
Homber a cancela biahe pa Aruba di ex socio y ta arresta pa robo di identidad
LONG ISLAND - Un homber di Long Island na Merma a wordo arresta despues cu, segun polis, e la cancela e vakantie di su ex-socio comercial pa Aruba usando su identidad durante un yamada telefonico cu un agencia di biahe.
WHO: Hantavirus no ta Covid y riesgo di pandemia mundial ta abou
WASHINGTON - World Health Organization (OMS) a declara cu hantavirus no ta mescos cu coronavirus y cu, pa awor, no tin señal cu e virus lo propaga riba escala mundial. Durante un conferencia di prensa, director general Tedros Adhanom Ghebreyesus y varios experto a explica cu e forma di contagio di hantavirus ta hopi diferente y cu transmision entre hende ta muy limita.
Follow NoticiaCla
