PPA ta denuncia falta di accion y presion riba oposicion den Parlamento

ORANJESTAD - Parlamentario Eduard Pieters a denuncia cu un peticion pa convoca reunion publico a wordo ignora pa mas cu 240 dia, aunke reglamento ta exigi accion dentro di 30 dia. Segun dje, esaki ta un señal serio di falta di respet pa proseso democratico.

Fraccion di PPA ta bisa cu no ta un caso unico, pero parti di un patronchi unda iniciativanan di oposicion ta wordo retrasá y debate ta limita. Tambe ta señala cu agenda di reunionnan a wordo ajusta den un forma cu ta dificulta participacion di oposicion. Segun PPA, e situacion ta crea preocupacion riba con Parlamento ta funciona y si tur bos den e sistema democratico ta haya oportunidad igual pa wordo scucha.