Trump kier blokea Estrecho di Hormuz tras fracaso di negociacionnan

WASHINGTON - Presidente Donald Trump a anuncia cu e kier blokea e Estrecho di Hormuz pa tuma control riba e ruta maritimo importante aki. Segun su mensahenan riba Truth Social, e accion lo cuminsa “mesora” of “ dentro di poco”, unda marina di Estados Unidos lo para y controla tur barco cu kier drenta of sali di e estrecho.

Trump a bisa cu e blokeo ta destina pa limpia mina marino den e area, cu meta final di logra un paso liber mas adelante. Tambe, el a adverti cu barco cu a paga “peahe ilegal” na Iran pa pasa, no lo haya paso sigur, y lo wordo intercepta pa marina americano.

E decision ta bin despues cu negociacionnan no a logra resultado, y tension den Medio Oriente ta sigui subi.