- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Caso di Warawara venena ta activa alarma: Aruba mester pone control riba toxiconan awor
ORANJESTAD – Un caso serio di envenenamento di fauna local a pone un biaha mas e problema di uso descontrola di toxiconan riba agenda na Aruba. Un Warawara, un di e paranan mas iconico di e isla, actualmente ta lucha pa su bida despues di a wordo envenena. Veterinario Dr. Ricardo Gogorza ta trahando intensamente pa salva e animal.
CASO AISLA?
E incidente no ta un caso aislá. Recientemente, un Shoco tambe a muri despues di a wordo envenena, loke ta mustra un patron preocupante cu ta afecta directamente biodiversidad di Aruba.
ABC
Organisacion Aruba Birdlife Conservation ta alerta cu uso irresponsabel di veneno ta tin consecuencianan mas grandi cu hopi hende ta pensa. Segun nan, toxiconan no ta keda limita na un solo area, pero ta move door di ecosistema, afectando no solamente paranan y bestianan, sino eventualmente tambe hende.
MEDIDA URGENTE
E organisacion ta pidi pa medida urgente pa regula uso di e sustancianan aki. Entre e recomendacionnan tin regulacion mas cla riba tipo di toxiconan cu ta permiti, definicion di dosis seguro y implementacion di control y supervision mas stricto. E situacion actual ta mustra cu sin intervencion serio, daño na naturaleza lo sigui aumenta. Pa hopi, e caso di e Warawara ta bira un simbolo di un problema mas grandi cu Aruba no por ignora mas. E mensahe ta cla: proteccion di naturaleza no por warda mas. Aruba mester actua awor pa preveni cu situacionnan asina sigui repiti.
AMMF: Dolfijn Charlie ta sigui recuperando na Aruba
Rainbow Warriors ta propone codigo di conducta pa sector di UTV, ATV, e-bike y e-scooter
ORANJESTAD - Rainbow Warriors Core Foundation a haci un llamado pa crea un convenio y codigo di conducta enfoca riba sostenibilidad pa e sectornan di UTV/ATV y e-bikes/e-scooters na Aruba. Segun e fundacion, e reciente decisionnan di gobierno y e accion legal contra operadornan di ATV y UTV ta pone empleo y estabilidad economico den peligro.
Aruba ta revoca permiso di buelo di aeroliña charter Bestfly: Compania ta bisa cu nan mes a pidi esey
Nacionnan Uni ta alerta riba reto y cambio den famianan na Aruba
ORANJESTAD - Den cuadro di Dia Internacional di Famia 2026, Nacionnan Uni ta pone enfasis riba importancia di famia como base fundamental pa desaroyo humano y bienestar social. Tema di aña aki ta “Famia, desigualdad y bienestar infantil”, enfocando riba impacto di pobresa, divorcio, violencia, adiccion y exclusion social riba mucha y hoben.
Miguel Mansur ta cuestiona “show” politico y falta di solucion structural na Aruba
ORANJESTAD - Empresario y opinionista Miguel Mansur a critica e forma con gobierno ta presenta diferente proyecto publico fueramente, argumentando cu hopi anuncio y evento mediatico no ta ataca e problemanan structural cu Aruba tin. Segun Mansur, revitalisacion real di centro di ciudad no ta cuminsa cu camera ni cu acto simbolico manera kita klinker, sino cu solucionnan concreto y duradero.
HOH ta amplia cuido medico cu prome Physician Assistant na Aruba
ORANJESTAD - Horacio Oduber Hospital (HOH) a celebra un momento historico cu graduacion di Gianina de Freijtas como e prome “Physician Assistant” (PA) na Aruba. E estudio, desaroya hunto cu HAN University of Applied Sciences, ta enfoca riba cuido directo di pashentnan y ta brinda mas oportunidad pa profesionalnan medico traha independiente y asisti specialistanan.
Follow NoticiaCla
