A.T.A. ta inverti fondo di turismo pa reforsa siguridad den centro di Oranjestad

ORANJESTAD - Aruba Tourism Authority (A.T.A.) ta reforza siguridad den centro di Oranjestad mediante implementacion di un sistema nobo cu camara di vigilancia y speaker publico. E iniciativa ta enfoca riba prevencion di incidente, reaccion mas rapido den situacion critico y comunicacion mas efectivo cu publico. E comunicado no ta bisa cuanto placa ATA lo ta invertiendo den e proyecto aki. 

E proyecto, lidera pa OBIZ y ehecuta den colaboracion cu diferente partner, ta inclui decenan di camara, speaker conecta na un red y monitoreo 24 ora pa dia.

E meta principal ta mehora seguridad den e area comercial y turistico, contribuyendo na bienestar di residente y aumentando confianza di bishitante. E iniciativa tambe ta apoya desarrollo economico y imagen di Aruba como un destinacion sigur.