- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Gobierno di Hulanda ta bai apela contra desicion di clima pa Bonaire
DEN HAAG - Gobierno di Hulanda a dicidi pa apela e sentencia den e caso di Greenpeace tocante e impacto di cambio di clima riba Bonaire. Den un carta manda na Tweede Kamer, e gabinete ta bisa cu despues di un evaluacion “hopi cuidadoso”, tin motibonan (huridico) fuerte pa presenta e caso na corte di apelacion.
Na januari di e aña aki, un huez a determina cu Estado Hulandes no a haci suficiente pa proteha habitantenan di Bonaire contra e consecuencianan di cambio di clima. Segun e desicion, e habitantenan di e isla tambe ta keda atras compara cu esnan di parti europeo di Hulanda.
Gobierno, sinembargo, tin duda tocante e base huridico di e fayo y e manera con huez a interpreta decisionnan di conferencia di clima di United Nations. Ademas, gabinete no ta di acuerdo cu con emision di aviacion y nabegacion internacional a wordo inclui den e metanan di emision di Hulanda.
E desicion anteriormente tabata wordo mira como un victoria pa Greenpeace y tambe pa e comunidad di Bonaire, cu ta un municipio special di Hulanda. Habitantenan a expresa preocupacion riba deterioro di coral y e impacto riba pesca y turismo di buceo. Tambe nan a menciona calor extremo, awa fuerte cu ta causa inundacion, y e vulnerabilidad di patrimonio cultural den area abou serca costa.
Gabinete ta reconoce cu e decision di apela lo causa decepcion entre e habitantenan. Sin embargo, gobierno ta enfatisa cu nan ta tuma e preocupacionnan riba cambio di clima den Caribe Hulandes hopi serio.
Segun gabinete, ya tin diferente iniciativa den marcha, manera uso di energia sostenible, vergroening y mehoracion di casnan. Tambe lo wordo desarroya un plan di adaptacion di clima pa haci Caribe Hulandes mas resistente contra efecto di cambio di clima, tanto awor como den futuro.
E base huridico exacto di e proceso di apela ainda ta wordo elabora, pero pasobra tin un plazo di tres luna pa responde, gobierno a anuncia e paso aki awor.
Ex minister Plasterk ta critica bishita extenso di Jetten na seis islanan di Reino
AMSTERDAM – Ex-minister di Relacionnan di Reino Ronald Plasterk a critica prome minister hulandes Rob Jetten pa su extenso bishita na Caribe Hulandes fuertemente, incluyendo Aruba. Segun Plasterk, ta “incomprendibel” cu Jetten ta dedica tanto tempo na e islanan mientras cu “mundo ta na candela”.
Douane na Hulanda a intercepta 43 miyon cigaria ilegal den un luna
ROTTERDAM - Autoridadnan di douane na Hulanda a logra intercepta mas cu 43 miyon cigaria ilegal den solamente un luna. E mayoria di e cargamentonan a wordo descubri den containernan maritimo den haf di Rotterdam, hopi biaha cu yudansa di cacho specialisa. Te awor, por lo menos diez sospechoso a wordo aresta.
Raad van State: Hulanda no a demonstra pakico Aruba mester ley pa kita nacionalidad di terroristanan
ORANJESTAD – Afdeling advisering di Raad van State di Reino Hulandes a conclui cu gobierno hulandes no a fundamenta suficientemente pakico ta necesario pa haci e ley cu ta permiti kita nacionalidad hulandes di personanan cu ta uni cu organisacionnan terrorista na exterior, algo permanente.
Eurovisie Songfestival ta cuminza: cu Israel pero sin Hulanda
AUSTRIA – Eurovisie Songfestival ta cuminza awe anochi den Stadthalle na Austria, pero e biaha aki sin participacion di Hulanda. AVROTROS a decide pa no participa despues cu organizacion EBU a confirma cu Israel lo sigui participa den festival. Austria ta organisa e evento despues cu cantante JJ a gana anja pasa cu e cancion “Wasted Love”. Ta e di tres biaha den historia cu Austria ta organiza Eurovisie. Hulanda solamente dos biaha anteriormente no a participa den festival, pero esta biaha e decision ta politico. Tambe Spaña, Slovenia, Islandia y Irlanda a decide di no participa.
Hantavirus: Stewardess hulandes di KLM ta test negativo , pero mas britaniconan infecta
AMSTERDAM - World Health Organization (OMS) a confirma cu e stewardess hulandes di KLM cu tabata den aislamiento na Amsterdam, no tin hantavirus. Testnan a confirma cu e no a wordo infecta, apesar cu durante su trabou na Johannesburg el a drenta den contacto cu un hende hulandes cu posteriormente a muri despues di a wordo infecta abordo di crucero MV Hondius.
CBCS ta lansa monedanan commemorativo pa celebracion di clasificacion di Corsou pa Mundial
AMSTERDAM - Centrale Bank van Curacao en Sint Maarten (CBCS) ta lansa dos moneda commemorativo special pa honra clasificacion historico di seleccion di futbol di Curacao pa Mundial di Futbol. Ta trata di un moneda di plata di cinco florin y un moneda di cincuenta cent.
Follow NoticiaCla
