- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Economista aleman ta pronostica: Hulanda lo bira campeon mundial
BERLIN - Un economista aleman cu a predici correctamente e ultimo tres campeonnan mundial di futbol, a trece bon noticia pa fanaticonan di futbol Hulandes: e verano benidero finalmente por ta e momento pa e prome titulo mundial di seleccion nacional di Hulanda.
Den rubrica ‘In de Kantlijn’, redaccion di VI.nl ta reuni noticia interesante di futbol, manera cita curioso, blunder grandi, golnan bunita of noticia cu un toque di humor.
E pronostico aki ta basa riba un modelo di Joachim Klement, kende anteriormente a predici correctamente e campeonnan di 2014 (Alemania), 2018 (Francia) y 2022 (Argentina). E investigador aleman, cu ta traha pa un banco di inversion Britanico, ta usa un modelo cu ta considera factornan manera Producto Interno Bruto pa habitante, tamaño di poblacion, clima (di futbol), ranking di FIFA y tambe factor di probabilidad.
Klement mes nunca tabata sigur cu su modelo lo funciona, pero despues cu e la logra predici tres torneo consecutivo correctamente, interes den su trabou a crece hopi. Awor, e la ricibi hopi pregunta riba ken lo gana FIFA World Cup 2026.
Segun su modelo, Hulanda lo sobrebibi un grupo fuerte cu Japon, Suecia y Tunez, despues gana Maroco 1-0 y pasa facilmente riba Canada den siguiente ronda.
Den cuarto di final contra Francia, Hulanda casi ta keda afo, pero Francia tin un dia malo y ta perde pa un auto gol. Den semifinal, Hulanda ta sorprende atrobe dor di gana Spaña via penalty.
Den final, contra Portugal, Hulanda finalmente ta gana e copa cu segun Klement, “ya te mester a gana hopi tempo pasa”.
E la cera cu un comentario cu humor: “Warda e copa bon pa nos Aleman nan, pasobra den cuater aña nos lo bin busk’e bek.”
Ex minister Plasterk ta critica bishita extenso di Jetten na seis islanan di Reino
AMSTERDAM – Ex-minister di Relacionnan di Reino Ronald Plasterk a critica prome minister hulandes Rob Jetten pa su extenso bishita na Caribe Hulandes fuertemente, incluyendo Aruba. Segun Plasterk, ta “incomprendibel” cu Jetten ta dedica tanto tempo na e islanan mientras cu “mundo ta na candela”.
Douane na Hulanda a intercepta 43 miyon cigaria ilegal den un luna
ROTTERDAM - Autoridadnan di douane na Hulanda a logra intercepta mas cu 43 miyon cigaria ilegal den solamente un luna. E mayoria di e cargamentonan a wordo descubri den containernan maritimo den haf di Rotterdam, hopi biaha cu yudansa di cacho specialisa. Te awor, por lo menos diez sospechoso a wordo aresta.
Raad van State: Hulanda no a demonstra pakico Aruba mester ley pa kita nacionalidad di terroristanan
ORANJESTAD – Afdeling advisering di Raad van State di Reino Hulandes a conclui cu gobierno hulandes no a fundamenta suficientemente pakico ta necesario pa haci e ley cu ta permiti kita nacionalidad hulandes di personanan cu ta uni cu organisacionnan terrorista na exterior, algo permanente.
Eurovisie Songfestival ta cuminza: cu Israel pero sin Hulanda
AUSTRIA – Eurovisie Songfestival ta cuminza awe anochi den Stadthalle na Austria, pero e biaha aki sin participacion di Hulanda. AVROTROS a decide pa no participa despues cu organizacion EBU a confirma cu Israel lo sigui participa den festival. Austria ta organisa e evento despues cu cantante JJ a gana anja pasa cu e cancion “Wasted Love”. Ta e di tres biaha den historia cu Austria ta organiza Eurovisie. Hulanda solamente dos biaha anteriormente no a participa den festival, pero esta biaha e decision ta politico. Tambe Spaña, Slovenia, Islandia y Irlanda a decide di no participa.
Hantavirus: Stewardess hulandes di KLM ta test negativo , pero mas britaniconan infecta
AMSTERDAM - World Health Organization (OMS) a confirma cu e stewardess hulandes di KLM cu tabata den aislamiento na Amsterdam, no tin hantavirus. Testnan a confirma cu e no a wordo infecta, apesar cu durante su trabou na Johannesburg el a drenta den contacto cu un hende hulandes cu posteriormente a muri despues di a wordo infecta abordo di crucero MV Hondius.
CBCS ta lansa monedanan commemorativo pa celebracion di clasificacion di Corsou pa Mundial
AMSTERDAM - Centrale Bank van Curacao en Sint Maarten (CBCS) ta lansa dos moneda commemorativo special pa honra clasificacion historico di seleccion di futbol di Curacao pa Mundial di Futbol. Ta trata di un moneda di plata di cinco florin y un moneda di cincuenta cent.
Follow NoticiaCla
