- Aruba tin un miyonario nobo cu a gana 1.425.000,= florin
- AMMF: Dolfijn Charlie ta sigui recuperando na Aruba
- ARUBA DOET 2026 ta move Aruba: 135 proyecto ta cambia bario y comunidadnan
- Rainbow Warriors ta propone codigo di conducta pa sector di UTV, ATV, e-bike y e-scooter
- 813 coredor lo conkista Aruba awe nochi durante e historico 34 edicion di Ronde van Aruba
Na Hulanda prijs di gasolin y diesel a baha, pero no mescos cu prijs di petroleo
AMSTERDAM - E prijs na pomp di gasoline na Hulanda a baha atrobe. Diesel lo baha cu casi 7 cent y gasolin cu mas o menos 3 cent, segun United Consumers. Esaki ta relaciona cu e caida di prijs di petroleo despues di un paro di fuego entre Merca y Iran.
Segun experto Derk Foolen, e prijs ta basa riba tarifanan di companianan petrolero grandi, cu ta wordo publica diariamente. Sinembargo, e caida di prijs di petroleo no ta refleha inmediatamente na pomp.
Segun Martin van Eijk di sector di tankstationnan, esaki ta pasobra combustible a wordo cumpra anteriormente na prijs halto. E petroleo tin cu wordo procesa prome y esey ta tuma simanan. Ademas, doñonan di pomp no kier bende na perdida.
Expertonan manera Stef de Jong di ACM ta bisa cu tambe cliente no ta busca tanto prijs barato ora prijs baha, loke ta duna menos presion riba pompnan pa baha nan prijs.
Banco ING ta indica cu consumo di combustible a baha un tiki, pero a normalisa lihe. E prijs na pomp ta wordo determina principalmente pa companianan petrolero y intermediario, y nan no ta baha prijs rapidamente.
Incertidumbre den Medio Oriente, especialmente rond di e Estrecho di Hormuz, ta haci e mercado cauteloso. Demanda pa combustible ta keda halto, specialmente na Asia, loke ta preveni un caida rapido di prijs.
Ex minister Plasterk ta critica bishita extenso di Jetten na seis islanan di Reino
AMSTERDAM – Ex-minister di Relacionnan di Reino Ronald Plasterk a critica prome minister hulandes Rob Jetten pa su extenso bishita na Caribe Hulandes fuertemente, incluyendo Aruba. Segun Plasterk, ta “incomprendibel” cu Jetten ta dedica tanto tempo na e islanan mientras cu “mundo ta na candela”.
Douane na Hulanda a intercepta 43 miyon cigaria ilegal den un luna
ROTTERDAM - Autoridadnan di douane na Hulanda a logra intercepta mas cu 43 miyon cigaria ilegal den solamente un luna. E mayoria di e cargamentonan a wordo descubri den containernan maritimo den haf di Rotterdam, hopi biaha cu yudansa di cacho specialisa. Te awor, por lo menos diez sospechoso a wordo aresta.
Raad van State: Hulanda no a demonstra pakico Aruba mester ley pa kita nacionalidad di terroristanan
ORANJESTAD – Afdeling advisering di Raad van State di Reino Hulandes a conclui cu gobierno hulandes no a fundamenta suficientemente pakico ta necesario pa haci e ley cu ta permiti kita nacionalidad hulandes di personanan cu ta uni cu organisacionnan terrorista na exterior, algo permanente.
Eurovisie Songfestival ta cuminza: cu Israel pero sin Hulanda
AUSTRIA – Eurovisie Songfestival ta cuminza awe anochi den Stadthalle na Austria, pero e biaha aki sin participacion di Hulanda. AVROTROS a decide pa no participa despues cu organizacion EBU a confirma cu Israel lo sigui participa den festival. Austria ta organisa e evento despues cu cantante JJ a gana anja pasa cu e cancion “Wasted Love”. Ta e di tres biaha den historia cu Austria ta organiza Eurovisie. Hulanda solamente dos biaha anteriormente no a participa den festival, pero esta biaha e decision ta politico. Tambe Spaña, Slovenia, Islandia y Irlanda a decide di no participa.
Hantavirus: Stewardess hulandes di KLM ta test negativo , pero mas britaniconan infecta
AMSTERDAM - World Health Organization (OMS) a confirma cu e stewardess hulandes di KLM cu tabata den aislamiento na Amsterdam, no tin hantavirus. Testnan a confirma cu e no a wordo infecta, apesar cu durante su trabou na Johannesburg el a drenta den contacto cu un hende hulandes cu posteriormente a muri despues di a wordo infecta abordo di crucero MV Hondius.
CBCS ta lansa monedanan commemorativo pa celebracion di clasificacion di Corsou pa Mundial
AMSTERDAM - Centrale Bank van Curacao en Sint Maarten (CBCS) ta lansa dos moneda commemorativo special pa honra clasificacion historico di seleccion di futbol di Curacao pa Mundial di Futbol. Ta trata di un moneda di plata di cinco florin y un moneda di cincuenta cent.
Follow NoticiaCla
