- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
CBS: Bida na Aruba a bira mas caro, apesar di inflacion abou
ORANJESTAD – Aunke e cifra oficial ta mustra un inflacion abou, realidad pa hopi ciudadano na Aruba ta otro: costo di bida ta sigui subi y presion riba casnan no ta baha. Segun dato nobo di Oficina Central di Estadistica (CBS), Indice di Prijs di Consumo (CPI) a registra un subida di 0.6% den februari 2026, mientras inflacion anual ta situa na 0.7%. Den promedio anual (24 luna), inflacion ta apenas 0.1%, un nivel significativamente abou compara cu añanan anterior. Pero e cifra aki no ta conta henter e historia. Durante februari, 10 di 12 sector economico a registra subida di prijs. Entre e aumentonan mas notable tin: recreacion y vacacion (+15.3%), transporte , mobilario , comunicacion , cuminda. Solamente sector di vivienda a mustra un caida minimo.
COSTO DI BIDA TA SIGUI SUBI
E señal mas fuerte di presion economico ta sali den e bestaansminimum—e suma minimo cu un famia mester pa cubri gasto basico.
- Un Famia (2 adulto + 2 mucha): Afl. 5,551 (+22 florin den un luna)
- Un adulto: Afl. 2,643 (+10 florin)
Compara cu aña pasa, e costo pa un famia a subi cu 57 florin, principalmente door di aumento den cuminda. Ademas, cifranan ta mustra cu un adulto promedio ainda tin un deficit di entrada di Afl. 636, señalando cu hopi persona no ta logra cubri nan gasto basico cu nan ingreso actual.
INFLACION ABOU, PERO PRESION TA KEDA
Mientras inflacion general ta keda abou, e asina yama inflacion basico (core inflation)—cu ta exclui cuminda y energia—a subi cu 1.0%, indicando cu presion di prijs den economia local ainda ta presente. Di otro banda, precio di energia a baha cu -4.0%, loke a contribui pa mantene inflacion total relativamente abou.
REALIDAD PA E CIUDADANO
E diferencia entre cifra oficial y realidad diario ta bira mas evidente. Mientras inflacion ta mustra stabilidad riba papel, prijs di cuminda, transporte y servicio ta sigui subi, tocando directamente e saco di e ciudadano. En corto: inflacion por ta abou, pero pa hopi arubiano, bida ta bira cada luna mas caro.
Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
ORANJESTAD – Na occasion di e celebracion ‘inoficial’ di su prome aniversario na Aruba diahuebs, mei mei di un grupo di periodista local selecta, gerente di JOIA by Iberostar, Arnoud Le Lanchon, a comparti su experiencia durante un entrevista cu periodista Tito Laclé di Noticiacla. Segun Le Lanchon, e prome aña di operacion a bin cu su propio reto, manera cualkier apertura di un hotel nobo den un destino nobo. Sinembargo, e la enfatisa cu e experiencia a supera expectativanan. “Manera tur apertura, tin su challenge, pero Aruba a sorprende nos positivamente. E recibimento caluroso di e comunidad y e partnershipnan cu nos a logra crea, a yuda hopi den nos integracion riba e isla,” e la declara.
Proyecto strategico ta posiciona AIB pa lansa prome banco completamente digital di pais
SETAR ta orguyoso di continua cu su partnership cu Beyond Sports Limit Foundation promoviendo deporte inclusivo
Aruba riba ruta di mega crucero luhoso: Crystal Grace lo bishita nos den 2028
MIAMI / ORANJESTAD - Crystal, un linea di crucero di luho, a anuncia su itinerarionan pa zomer y otoño di 2028, cu un punto culminante: e debut di nan nobo barco, Crystal Grace. Y e bon noticia ta cu Aruba ta riba e itinerario. E barco lo cuminsa su prome viahe na juni 2028 na Roma, cu varios destino den Europa, despues cu lo sigui cu travesa mas largo te Canada y Merca. Durante e temporada di otoño, Crystal Grace lo move pa Caribe, unda e lo ofrece cruceronan cu salida for di Fort Lauderdale.
Premio Lotto miyonario a aumenta atrobe, te 1.375.000,= florin
Aruba gana premio internacional pa excelencia den turismo di crucero
MIAMI – Aruba Tourism Authority (ATA) a wordo honra cu e Aquila Whalesong Destination Award durante Seatrade Cruise Global, como reconocemento pa su desempeño sobresaliente como destinacion di crucero y su enfoke riba sostenibilidad y desaroyo di personal.
Follow NoticiaCla
