- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Polisnan Violenus y Dirksz sentencia na 3 aña di prizon pa a tira Ayden Lanoy mata
ORANJESTAD - Diahuebs merdia Corte a duna sentencia (di 30 pagina largo) den e caso conoci bou di e nomber Caret. Ta trata e caso unda cu dos agente policial a tira 20 biaha riba e hoben Ayden Lanoy, cu consecuencia fatal. Ambos polis Violenus y Dirskz a keda sentencia na un castigo de prizon di tres aña, di cual un aña condicional cu un temporada di prueba di un aña. Esaki kier bisa cu si e persona(nan) no comete ningun otro delito durante un aña, nan no mester cumpli e ultimo aña di prizon. E decision a wordo basa riba e prueba cu a wordo presenta den caso. Otro acusacionnan no a wordo comproba, y pa esey e sospechosonan no ta culpabel di esakinan.
FAMIA EMOCIONALManera por a spera, ora cu e famia cu tabata den sala (mama, tata di Ayden Lanoy y pareha di Lanoy, a tende e sentencia, nan a bira hopi emocional, indicando cu e sentencia ta mucho abou. Famianan a bin consola e mayornan di e victima, alegando cu ‘por lo menos’ huez a desvia full di e demanda di ministerio publico, y cu di cierto forma, e dos polisnan a haya otro tipo di castigo caba. Esaki no a yuda e mayornan y nan a keda basta kibra toch, despues di a scucha e sentencia.
DEMANDA FISCAL
Notable ta cu huez a hala e demanda di fiscal un banda, pues no a bay di acuerdo cu e demanda. E demanda di e fiscal tawata un castigo di prizon condicional di 12 luna y trabou comunitario di 180 ora. Corte no ta di acuerdo cu esaki pa motivo cu un castigo asina no ta adecuado den e caso aki, mirando e gravidad di hecho.
MESTER PAGA DAÑO
Ademas di bai prizon, e sospechosonan mester paga un total di Afl. 39.170 na un persona cu a haya daño. E cantidad aki ta inclui:
• Afl. 14.170 pa daño material (cosnan cu a wordo dana)
• Afl. 25.000 pa daño personal (dolor y sufrimento)
Tambe mester paga Afl. 6.000 di costo di proceso, y posiblemente mas gasto despues.
Si otro persona involucra den e caso paga un parti di e suma, e sospechoso no mester paga e mesun parti atrobe.
NO TUR RECLAMO A WORDO ACEPTA
Den e mesun caso, no tur demanda di otro partidonan a wordo acepta:
• Un parti di e reclamo pa daño material a wordo rechasa
• Reclamonan pa daño emocional no a wordo acepta
• Reclamo pa “shock” tambe no a wordo acepta, pero por wordo presenta despues na un juez civil
Un di e partidonan dañá mester paga e costo di proceso di e sospechoso, pero pa awor e cantidad ta cero.
E CASO
E caso ta bai tocante di un incidente di tiroteo di 9 di februari 2025 na unda senor A.C. Lanoy a bin fayece. Dos polis (señores V. y D.) tawata sospechoso den e caso aki.
Corte a haya proba cu ambos polis a haci nan mes culpabel di mata senor Lanoy door di tira diferente biaha riba dje.
Punta di bista di polisnan tawata cu tawatin un situacion peligroso pa cual nan a haya cu nan mester a tira. Corte no ta di acuerdo cu e punta di bista aki. Senor Lanoy no a forma niun peliger pa e polisnan. E polisnan a calcula e situacion robes y a usa violencia innecesario. Huez a bisa cu tur partido tin 2 siman (14 dia) pa apela e sentencia.
Gratie: E ultimo speranza legal, pero kico e posibilidad ta pa caso Avestruz
ORANJESTAD – Cu e sentencia definitivo di Hoge Raad den e caso Avestruz awor confirma, un palabra legal a bira central den discusion: “gratie”. Manera cu Noticiacla a raporta mas prome, citando Ministerio Publico, durante e periodo di 9 dia despues di e decision, e condenadonan en cuestion tin e oportunidad pa pidi esaki, pero pregunta grandi ta cu tanto chance realmente tin pa un resultado positivo.
Pa fin di luna Sevinger, Arends y Sussebeek mester presenta na KIA pa sinta nan castigo
Hof: Co-sospechosonan Sussebeek y Arends tambe ta bay prizon bek pa caso Avestruz
ORANJESTAD - Den e caso penal grandi “Avestruz”, no solamente ex-minister Benny Sevinger a keda condena definitivamente diamars mainta, pero tambe su co-sospechosonan Pieter Sussebeek y Leoncita Arends lo mester cuminsa sinta nan castigo di prizon, despues cu Hof a mantene nan sentencia.
Corte di Casacion: Sentencia contra ex-minister Sevinger ta keda valido!
AMSTERDAM – Manera por a spera, Corte di Casacion a mantene e sentencia contra ex minister Benny Sevinger den caso Avestruz valido, conforme e conseho di Abogado General, cu ta nifica cu Sevinger definitivamente ta perde den e caso Avestruz.. Esaki pasobra Corte di Casacion tabata e ultimo chens pa Sevinger pa trece cambio of no. Si Corte di Casacion mantene e sentencia di corte di apelacion, ta nifica cu esaki ta e parti final di e caso, y cu Sevinger definitivamente tin cu sinta su castigo.
Corte: Plan pa desaroya ex 'Isla de Oro' den area marino rechasa!
ORANJESTAD – Un intento pa desaroya un proyecto turistico riba un rif conoci como ex Isla di Oro, den un area marino a haya un golpe fuerte dialuna despues cu Corte a rechasa e apelacion contra e decision di gobierno. E caso ta draai rond di un peticion pa haya permiso pa construi y exploita un facilidad cu tin caracter di horeca y educacion, pero autoridadnan a determina cu esaki ta contra e destinacion di e area.
Analisis: Caso Avestruz, Corte ta dicidi, pero liderazgo politico ta riba prueba real
Follow NoticiaCla
