ATA: Aruba na februari a atrae mas turista cu ta gasta mas

ORANJESTAD - ATA a informa cu durante februari 2026, Aruba a logra atrae mas turista cu ingreso halto, cu ta gasta mas durante nan estadia. E strategia di enfoke riba calidad en lugar di cantidad ta mustra resultado positivo.

Aruba a ricibi 133.992 bishitante stayover, cu un promedio di estadia di 7,2 anochi. Norte America ta keda e mercado principal cu 77,9% di bishitantenan, sigui pa Latino America y Europa.

Satisfaccion di turista ta halto, cu un score di 9.1, pero ATA ta enfatisa cu ta importante pa sigui inverti den experiencia di Aruba pa mantene e crecimiento.