- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Aruba ta gana FIFA Series 2026 cu victoria dominante riba Liechtenstein
NYAMIRAMBO - E wega entre Aruba y Liechtenstein den FIFA Series, hunga diadomingo 29 di maart 2026 na Stade Régional de Nyamirambo, a termina cu un victoria contundente: Aruba 4 – 1 Liechtenstein.
Aruba a pone presion desde tempran den e partido. Na minuut 18, Romano Jaybrien a habri e score, y solamente seis minuut despues, Robertha Shurgello a dobla e bentaha, pone Liechtenstein bou di presion inmediato.
Despues di descanso, Liechtenstein a logra recorta e diferencia na minuut 52 pa medio di Emanuel Zuend, cu asistencia di Fabio Notaro Luque. Pero Aruba a retoma control rapidamente.
Apesar cu equipo a keda cu dies hungador despues cu Rovien Ostiana a haya su segunda tarheta heel den minuut 62, Aruba a sigui domina. Na minuut 68, Rainy Breinburg a marca un gol espectacular di distancia largo pa pone e score 3–1.
E victoria a keda seya den tempo adicional, ora un clearance mal dirigi di Jens Hofer a resulta den e cuarto gol pa Aruba, completa un presentacion fuerte y dominante.
Anteriormente den e torneo, Aruba ya a mustra su intencion cu un victoria riba Macau den nan prome partido. Cu esaki, Aruba ta corona campeon di FIFA Series 2026.
Kenley Jansen, pelotero di Corsou,a subi pa top 3 di saves den historia di MLB
DETROIT/ WILLEMSTAD – Pelotero Kenley Jansen di Corsou a alcanza un logro historico den Major League Baseball (MLB), ora cu el a subi pa e di tres luga den lista di tur tempo cu mas “saves”. Awor e ta para su so na e posicion aki cu 479 saves, despues cu el a pasa Lee Smith.
Grand slam historico di Xander Bogaerts di Aruba ta duna Padres victoria
SAN DIEGO – Den un duelo largo y yena cu tension, tabatin e momento di briyo pa Xander Bogaerts di Aruba. E shortstop di San Diego Padres a seya un victoria importante cu un grand slam decisivo den inning 12, batiendo Colorado Rockies cu score di 7-3 na Petco Park. E batazo decisivo a pone fin na un di e partidonan mas largo di e temporada, y a confirma e rol di Bogaerts como un di e lidernan clave den e lineup di Padres.
Stingray ta briya cu varios medaya na PanAm Open Water
ORANJESTAD - Stingray Swimming Team a logra resultado sobresaliente na competencia PanAm Aquatics Open Water na Aruba, cu varios atleta a gana medaya y subi podium.
Weganan Interinsular 2026 ta fortalece deporte y amistad entre islanan
ORANJESTAD - E Weganan Interinsular 2026 a culmina cu exito na Aruba, unda alumnonan di scolnan basico y secundario di Aruba, Boneiro y Corsou a compiti den deporte manera Aquathlon, Atletismo y Volleyball.
Pausa inespera di Formula 1 ta habri porta pa Verstappen y McLaren drecha nan situacion
LONDON – E temporada di Formula 1 a cuminsa apenas, pero ya tin un pausa largo despues cu e caredanan na Bahrein y Saudi-Arabia den april a wordo cancela pa motibo di guera. Esaki ta duna tur ekipo cuater siman pa mehora nan auto y analiza dato.
Bolivia ta elimina Surnam y avanza pa final di playoff Mundial
MONTERREY – Bolivia a mustra caracter y a logra un victoria importante riba Surnam cu 2-1, asegurando su puesto den final di playoff rumbo Mundial contra Iraq. Cu e wega aki, Surnam ta keda elimina tambe.
Follow NoticiaCla
