KLM ta subi prijs di buelonan di destinacion largo cu 50 euro

AMSTERDAM – KLM hunto cu Air France ta subi tarifa pa buelonan di distancia largo. Pasaheronan cu reserva un pasashi for di 11 di maart 2026 den Economy Class lo mester paga 50 euro extra pa un pasashi di ida y bolbe.

Segun e compania, e subida di prijs ta resultado di e situacion geopolitico actual den Medio Oriente, cu a causa un subida fuerte den prijs di combustible.

“E situacion geopolitico actual den Medio Oriente a resulta den un subida fuerte y repentino di prijs di combustible, specialmente pa kerosine. Como consecuencia di esey, Air France y KLM ta subi tarifa pa buelonan di distancia largo pa pasashinan cu ta wordo emiti for di 11 di maart 2026. Den Economy Class e prijs ta subi cu 50 euro pa cada pasashi di ida y bolbe,” asina vocero di compania a bisa.

E companianan di aviacion ta tuma e medida aki pa compensa parti di e costo operacional cu a subi.