MEP kier encuesta parlamentario contra minister pa asunto di avion priva

ORANJESTAD – Fraccion di MEP den Parlamento ta considerando pa inicia un encuesta parlamentario contra minister Gerlien Croes, pa haya claridad riba cuestionnan tocante su conducta, entre otro su presunto biahe den un jet priva.

Segun lider di fraccion Evelyn Wever-Croes, e paso aki por wordo tuma pasobra minister ainda no a duna un contesta cla y transparente riba e asunto. MEP ta bisa cu integridad y transparencia ta fundamental den gobernacion, y cu Parlamento tin e deber pa controla gobierno ora tin duda riba conducta di un minister.

Fraccion di MEP ta enfatisa cu e instrumento di encuesta parlamentario ta un medio fuerte di control, cu tin como meta principal descubri e berdad y restaura confianza di pueblo den institucionnan publico.

Segun MEP, pueblo di Aruba tin derecho di sa tur e hechonan, y gobierno mester actua cu honestidad y transparencia den tur circunstancia.