Taxi na Aruba Ta Haya Feedback Hopi Positivo di Turistanan

(ADVERTORIAL)

Un reciente encuesta di feedback di turismo, conduci pa medio di e plataforma L YNX, a revela cu turistanan cu a usa servicio di taxi na Aruba ta reporta experiencia hopi positivo.

LYNX a colecta mas cu 1,391 respuesta voluntario di turistanan pa medio di su plataforma digital cu ta opera riba pantayanan instala den taxi na Aruba. Un analisis di e respuesta nan ta mustra consistentemente cu bishitantenan ta tene interaccion positivo cu chauffeur di taxi na Aruba.

Entre e respondentenan cu a califica nan experiencia cu taxi, e gran mayoria a duna 5 strea, mientras e otro respondentenan a duna 4 strea.

Ora a puntra e turistanan kiko por hazi pa mehora nan experiencia cu e servicio di taxi, mayoría ta indica cu nada no tabata mester mehora, mientras hopi di nan comentario Describí e chauffeur como amabel, util y hospitable.

Algun comentario tipico tabata:

● “Everything was perfect. Smooth ride.” C. Green from USA, Age 45+

●“It was amazing. I loved it. Wish the driver was my personal driver.” J. Cruz from USA, Age 35-44.

●“It was perfect” P . Dunight from USA, Age 45+

● "Nothing driver was lovely" C. Lambert from Canada, Age 25-34

"Chauffeur di taxi ta hopi biaha un di e prome persona cu turistanan ta conoce ora nan yega Aruba. Nos datonan ta mustra claramente cu bishitantenan ta experencia nan consistentemente como amabel, profesional y como verdadero embahadornan di nos hospitalidad" A bisa Brian Ponson, Directeur di L YNX Advertising, un Division di Nebula Holdings. 

E resultadonan di e encuesta ta resalta e importancia cu chauffeur di taxi ta hunga den e forma cu touristanan ta experiencia Aruba y tambe den mantene e reputacion di nos isla como un destino hospitable

LYNX tin plan pa sigui colecta feedback di turistanan durante e aña y pa sigui comparti insight cu por yuda mehora e experiencia di bishita, mientras ta resalta e contribucion di diferente sector di servicio den industria di turismo.

Tocante LYNX

LYNX ta un plataforma digital cu ta opera pantayanan informativo den taxi na Aruba. E sistema ta yuda turistanan descubri restaurante, actividadnan y negoshionan local, mientras tambe ta colecta feedback voluntario di bishitantenan tokante nan experiencia riba e isla.

Por contact nos riba whatsapp 641 7955 of email na brian@lynx.aw