- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Pitcher Jaitoine Kelly di Aruba ta haci historia den World Baseball Classic
MIAMI – Jaitoine Kelly, un prospecto di pitcheo di 18 aña di organizacion di Arizona Diamondbacks, a haci historia diasabra durante e World Baseball Classic. E lanzador di Aruba a bira e pitcheador mas hoben cu a cuminsa un partido den historia di e torneo. E lanzador di man drechi a cuminsa e partido pa Reino di Hulanda, cu tabata dirigi pa Andruw Jones, contra Nicaragua, equipo cu tabata dirigi pa Dusty Baker, den ciudad di Miami. Kelly a tene un bon presentacion den su debut. E la tira dos entrada sin permiti careda, concediendo solamente un hit y ponchando tres bateador, cu su fastball alcanzando velocidad den mid-90 miya pa ora. “Sigur ta un gran orguyo. Mi ta representa mi pais y mi isla, y ta bay un gran experencia pa mi prome bez,” Kelly a bisa reporternan un dia promer cu e partido. Kelly ta uno di tres prospectonan di Diamondbacks cu ta hunga pa Reino di Hulanda den e torneo. E otro dos ta outfieldernan Druw Jones y Jakey Josepha.
FIRMA
E talento hoben di Aruba a firma cu e Diamondbacks na januari 2024. Te awor e tin alrededor di 20 partido profesional riba su cuenta, mayormente den Dominican Summer League, y e a haci su debut den Single-A Visalia na september. Cu su altura di 6 pia y 4 duim y un brazo potente, Kelly actualmente ta clasifica como prospecto numero 27 di organizacion segun Baseball America. Expertonan ta mira hopi potencial den e lanzador hoben, cu posibilidad pa bira un starting pitcher di rotacion medio den futuro. Den e partido contra Nicaragua, Kelly a enfrenta un lineup lidera pa infielder di New York Mets, Mark Vientos, kende e a logra pone bai cu un pop-out. E pitcheador contrario, Erasmo Ramírez, tin experiencia di 336 partido den Grandes Ligas.
E partido tambe tabata special pa familia Kelly. Jaitoine a sigui e paso di su ruman, Antwone Kelly, prospecto di Pittsburgh Pirates, kende a cuminsa e prome partido di Hulanda den e torneo un dia prome contra Venezuela. “Desde cu nos tabata mucha, semper tabata nos soño pa hunga aki,” Kelly a bisa. “Mi a mira mi ruman hunga den 2023 y tabata un experencia incredibel. Awor mi kier sigui su paso. Ta algo bunita pa mira mi ruman hunga den e World Baseball Classic.”
Kenley Jansen, pelotero di Corsou,a subi pa top 3 di saves den historia di MLB
DETROIT/ WILLEMSTAD – Pelotero Kenley Jansen di Corsou a alcanza un logro historico den Major League Baseball (MLB), ora cu el a subi pa e di tres luga den lista di tur tempo cu mas “saves”. Awor e ta para su so na e posicion aki cu 479 saves, despues cu el a pasa Lee Smith.
Grand slam historico di Xander Bogaerts di Aruba ta duna Padres victoria
SAN DIEGO – Den un duelo largo y yena cu tension, tabatin e momento di briyo pa Xander Bogaerts di Aruba. E shortstop di San Diego Padres a seya un victoria importante cu un grand slam decisivo den inning 12, batiendo Colorado Rockies cu score di 7-3 na Petco Park. E batazo decisivo a pone fin na un di e partidonan mas largo di e temporada, y a confirma e rol di Bogaerts como un di e lidernan clave den e lineup di Padres.
Stingray ta briya cu varios medaya na PanAm Open Water
ORANJESTAD - Stingray Swimming Team a logra resultado sobresaliente na competencia PanAm Aquatics Open Water na Aruba, cu varios atleta a gana medaya y subi podium.
Weganan Interinsular 2026 ta fortalece deporte y amistad entre islanan
ORANJESTAD - E Weganan Interinsular 2026 a culmina cu exito na Aruba, unda alumnonan di scolnan basico y secundario di Aruba, Boneiro y Corsou a compiti den deporte manera Aquathlon, Atletismo y Volleyball.
Pausa inespera di Formula 1 ta habri porta pa Verstappen y McLaren drecha nan situacion
LONDON – E temporada di Formula 1 a cuminsa apenas, pero ya tin un pausa largo despues cu e caredanan na Bahrein y Saudi-Arabia den april a wordo cancela pa motibo di guera. Esaki ta duna tur ekipo cuater siman pa mehora nan auto y analiza dato.
Aruba ta gana FIFA Series 2026 cu victoria dominante riba Liechtenstein
NYAMIRAMBO - E wega entre Aruba y Liechtenstein den FIFA Series, hunga diadomingo 29 di maart 2026 na Stade Régional de Nyamirambo, a termina cu un victoria contundente: Aruba 4 – 1 Liechtenstein.
Follow NoticiaCla
