Mas aeroliña mericano a cuminsa ofrece pasashi di baratiyo pa Aruba

NEW YORK -  Un oferta di buelo nobo ta haci mas facil cu nunca pa hende scapa pa beachnan di Aruba durante primavera. Noticiacla a publica caba cu e aeroliña Delta a bin cu baratiyo di pasashi pa Aruba. Y awor actualmente ta posible haya pasashi ida y buelta cu JetBlue for di New York (John F. Kennedy International Airport) pa Aruba cuminzando na $339, cu fecha di biahe entre 12 y 18 di april, segun informacion cu ta aparece riba Google Flights. E itinerario ta inclui buelonan directo den tur dos direccion, algo cu ta considera uno di e manera mas conveniente pa yega na Aruba for di e parti nordost di Merca.

PRIJS MAS HALTO

Normalmente, prijs pa buelonan directo entre New York y Aruba durante temporada di primavera ta significativamente mas halto. P’esey e oferta aki ta hopi atractivo pa hende cu kier plania un viahe corto pa Caribe promer cu temporada di biahe di verano cuminsa subi. E buelonan ta sali for di John F. Kennedy International Airport na New York y ta aterisa na Aeropuerto Internacional Reina Beatrix na Aruba. Di ey, bishitantenan ta solamente algun minuut for di Palm Beach y Eagle Beach, dos di e playanan mas famoso di Aruba.

DIKICO E OFERTA AKI TA INTERESANTE

Normalmente, prijs di buelo entre New York y Aruba ta subi facil mas cu $400 pa buelo directo, especialmente durante primavera ora demanda ta cuminsa crece promer cu verano. Cu un prijs di $339 ida y bolbe cu JetBlue, Aruba ta bira un destino accesibel pa un viahe di cinco nochi. E tempo di buelo directo entre New York y Aruba normalmente ta poco mas cu cuatro ora. JetBlue tambe ta ofrece su servicionan standard a bordo riba rutanan pa Caribe, incluyendo entretenimiento riba pantaya den asiento y snack y bebida gratis, algo cu ta haci e buelo mes un cuminsamento confortable di un vacacion riba isla.