- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Hulanda a bin di patras y gana Nicaragua 4-3 den un final dramatico den World Baseball Classic 2026
MIAMI - Hulanda a logra un buelta spectacular den e ultimo inning pa gana Nicaragua cu score 4-3 den un partido emocionante hunga na Loan Depot Parkna Miami den e World Baseball Classic 2026. Despues di bay atras den e octavo inning, Hulanda a dicidi e encuentro cu un home run decisivo den e nobeno inning.
PAREU
E partido a cuminza bastante pareu, cu ambos equipo luchando pa habri e marcador. Hulanda finalmente a logra anota prome den e di tres inning, ora cu Ozzie Albies a ricibi un hit by pitch cu basenan yen, permitiendo Druw Jones core drenta pa pone Hulanda dilanti 1-0. Nicaragua a reacciona den e di cinco inning, ora cu Cheslor Cuthbert a ricibi un base por bola cu a manda Chase Dawson anota pa empata e wega 1-1.
INNING FINAL
E encuentro a keda empata te den e di ocho inning, ora cu Nicaragua a tuma bentaha despues di un momento fuerte ofensivo. Jeter Downs a conecta un homerun di dos careda, cu a pone Nicaragua dilanti 3-1. Pero Hulanda no a rindi. Den e di nuebe inning, cu dos out, Hulanda a arma un rally importante. Ceddanne Rafaela a conecta un single y Xander Bogaerts a sigui cu un double, poniendo dos corredor riba base. Despues, Ozzie Albies a conecta un home run di tres careda, cu a cambia e marcador completamente y a duna Hulanda e victoria 4-3. E homerun decisivo di Albies a bira e momento mas importante di e partido, sigurando un triumnfo dramatico pa Hulanda despues di un duelo intenso cu Nicaragua.
Kenley Jansen, pelotero di Corsou,a subi pa top 3 di saves den historia di MLB
DETROIT/ WILLEMSTAD – Pelotero Kenley Jansen di Corsou a alcanza un logro historico den Major League Baseball (MLB), ora cu el a subi pa e di tres luga den lista di tur tempo cu mas “saves”. Awor e ta para su so na e posicion aki cu 479 saves, despues cu el a pasa Lee Smith.
Grand slam historico di Xander Bogaerts di Aruba ta duna Padres victoria
SAN DIEGO – Den un duelo largo y yena cu tension, tabatin e momento di briyo pa Xander Bogaerts di Aruba. E shortstop di San Diego Padres a seya un victoria importante cu un grand slam decisivo den inning 12, batiendo Colorado Rockies cu score di 7-3 na Petco Park. E batazo decisivo a pone fin na un di e partidonan mas largo di e temporada, y a confirma e rol di Bogaerts como un di e lidernan clave den e lineup di Padres.
Stingray ta briya cu varios medaya na PanAm Open Water
ORANJESTAD - Stingray Swimming Team a logra resultado sobresaliente na competencia PanAm Aquatics Open Water na Aruba, cu varios atleta a gana medaya y subi podium.
Weganan Interinsular 2026 ta fortalece deporte y amistad entre islanan
ORANJESTAD - E Weganan Interinsular 2026 a culmina cu exito na Aruba, unda alumnonan di scolnan basico y secundario di Aruba, Boneiro y Corsou a compiti den deporte manera Aquathlon, Atletismo y Volleyball.
Pausa inespera di Formula 1 ta habri porta pa Verstappen y McLaren drecha nan situacion
LONDON – E temporada di Formula 1 a cuminsa apenas, pero ya tin un pausa largo despues cu e caredanan na Bahrein y Saudi-Arabia den april a wordo cancela pa motibo di guera. Esaki ta duna tur ekipo cuater siman pa mehora nan auto y analiza dato.
Aruba ta gana FIFA Series 2026 cu victoria dominante riba Liechtenstein
NYAMIRAMBO - E wega entre Aruba y Liechtenstein den FIFA Series, hunga diadomingo 29 di maart 2026 na Stade Régional de Nyamirambo, a termina cu un victoria contundente: Aruba 4 – 1 Liechtenstein.
Follow NoticiaCla
