- Ministerio di Salud a completa traspaso oficial di Hospital Horacio Oduber 'renoba'
- Le Lanchon riba prome aña di Iberostar: “Aruba a ricibi nos cu braza habri y futuro ta prometedor”
- Minister Wyatt-Ras di Salud y Asuntonan Social ta den Noticiacla LIVE awe
- Van der Burg: Un ministerio dedica pa Reino y Union Europeo ta yuda Aruba avansa
- Vd Burg: Geschillenregeling lo evita cu HOFA ta keda un ley eterno
Rotonde dilanti Cas di Cultura ilumina color patriotico den marco di celebracion nacional
ORANJESTAD - En conexion cu e celebracion di 40 aña di Status Aparte y 50 aña di Himno y Bandera di Aruba, e rotonde conoci como “Las Americas”, situa riba e ruta entre aeropuerto y e area hotelero, a wordo ilumina cu luz blauw como simbolo di orgullo nacional y union.
E gesto simbolico aki no solamente ta honra e ocasion special pa comunidad di Aruba, pero tambe ta forma parti di un proyecto mas amplio di renovacion y reforestacion cu ta transforma e espacio den un area moderno y berde, reflehando identidad, naturalesa y progreso di Aruba.
E rotonde Las Americas ta un di e puntonan mas importante riba e ruta entre aeropuerto y e area hotelero, caminda un gran cantidad di vehiculo ta pasa diariamente. Den e ultimo añanan, e area a haya un facelift minimo, y awor e proyecto a drenta den un fase mas amplio di renovacion completo.
Durante aña pasa a duna inicio na e plan di transformacion di e rotonde, cu ta inclui un diseño moderno y atractivo combina cu un enfoke fuerte riba naturalesa. Como parti di e iniciativa aki, den october 2025 a cuminsa cu e plantacion di 176 mata, incluyendo variedad di mata nativo y naturalisa na Aruba.
Entre e matanan nativo planta tin Fofoti, Pal’i Sia Cora, Raspa Cora y Raspa Biña, mientras cu otro variedad naturalisa manera Flamboyan y Oleander di Boneiro tambe ta forma parti di e paisahe di e rotonde.
Prome Minister Mike Eman, kende ta lidera e proyecto nacional di reforestacion, a enfatisa cu e vision ta pa trece matanan nativo bek den nan ambiente natural y contribui na e meta di haci di Aruba un isla mas berde. Segun Eman, e plantacion di matanan no solamente ta fortalece naturalesa, pero cu tempo tambe lo crea mas sombra y contribui na mehoracion di e clima local.
Durante e ceremonia di cendemento di luz, Prome Minister Eman a expresa su gradicimento na Departamento di Obranan Publico (DOW), Fantastic Garden pa nan sosten den e ehecucion di e proyecto, y na Aruba Tourism Authority (ATA) pa nan sosten financiero. Tambe a gradici e trahadonan cu diariamente ta cuida y mantene e area nan banda di caminda limpi y den bon estado.
Mirando e luna di patria y e celebracion di Dia di Himno y Bandera, e rotonde a wordo ilumina cu luznan colornan di e bandera di Aruba, creando un bista simbolico pa tur esnan cu ta pasa riba e ruta importante aki.
Durante e momento special aki tabata presente tambe Minister di Infrastructura drs. Rene Herdé, hunto cu diferente miembro di Parlamento, Stephany Sevinger, Dennerich Kelly, Clifford Heyliger y John Hart y Ruthlyn Lindor kende a acompaña e acto simbolico di cendemento di luz.
E iluminacion di e rotonde Las Americas ta forma parti di e celebracion nacional di Aruba, resaltando e orguyo, historia y progreso di e isla den marco di e conmemoracion di 40 aña di Status Aparte y 50 aña di Himno y Bandera.
Ministerio di Salud a completa traspaso oficial di Hospital Horacio Oduber 'renoba'
ORANJESTAD – E Ministerio di Salubridad, na nomber di Land Aruba, a realisa e traspaso oficial di Hospital Dr. Horacio Oduber (HOH), un momento sumamente importante pa comunidad di Aruba y pa desaroyo di e sistema di salud. E acto a tuma luga den colaboracion cu Stichting Onroerend Goed Aruba (SOGA), Aruba Investment Bank (AIB) y Dienst Openbare Werken (DOW).
Van der Burg: Un ministerio dedica pa Reino y Union Europeo ta yuda Aruba avansa
ORANJESTAD – Durante un programa recien Noticiacla LIVE cu periodista di Noticiacla, Tito Laclé, secretario di estado hulandes Eric van der Burg a mustra su apoyo pa e creacion di un direccion y ministerio dedica na Relacionnan di Reino y Union Europeo.\ Segun Van der Burg, e iniciativa ta un paso positivo pa Aruba, paso e ta mustra claramente cu e pais kier mantene y fortalece contacto directo cu Union Europeo. “Esaki por yuda pa habri caminda pa fondo europeo no solamente pa Aruba, pero tambe pa paisnan bisiña,” e la indica.
Vd Burg: Geschillenregeling lo evita cu HOFA ta keda un ley eterno
ORANJESTAD – Preocupacion riba e futuro di e ley HOFA ta sigui crece na Aruba, unda hopi ta teme cu e ley di reino, aunke tin un duracion defini, den practica lo no termina nunca. Durante programa Noticiacla LIVE e siman aki, periodista di Noticiacla, Tito Laclé, a pone e cuestion directamente na secretario di estado hulandes Eric van der Burg.
Prome Investment Conference di OCT Forum ta habri porta pa inversion y colaboracion
ORANJESTAD – Durante e 21st EU-OCT Forum na Aruba, a celebra pa prome biaha un Investment Conference, reuniendo territorionan di OCT, Union Europeo y diferente partnernan pa fortalece colaboracion y impulsa inversion den region. Minister di Finansa, Asunto Economico, mr. Geoffrey Wever, a habri e conferencia aki.
Minister ta duna encargo di enseñansa directo sin proceso publico
ORANJESTAD – Gobierno di Aruba a otorga varios encargo pa desaroyo di material didactico den enseñansa sin pasa door di un destaho publico pa escoge proveedor. Esaki a sali na cla for di disposicionnan ministerial publica recientemente den e Landscourant, segun e portal aruba.nu . E encargonan, cu cantidadnan cu ta subi te mas di 180.000 florin arubiano, ta forma parti di un proyecto mas amplio pa desaroyo di metodonan di enseñansa pa Hulandes y Papiamento den enseñansa primario. Den varios caso, ta trata di encargonan rond di 83.000 florin. Minister di Enseñansa y Deporte, G.L. Croes, lo a tuma decision pa no aplica e proceso comun di selecta un proveedor. Pa esaki, a haci uso di un disposicion di excepcion cu ta permiti pa duna encargo directamente ora tin conocimiento specialistico of ora no tin proveedor alternativo disponible.
MEP: Gobierno mester recupera tereno y placa despues di veredicto Avestruz
ORANJESTAD — Fraccion di MEP a dirigi un carta na gobierno despues di e veredicto final den e caso Avestruz, insistiendo cu awor ta momento pa tuma accion concreto pa recupera tur e placa y terenonan cu a wordo horta. Segun e partido, ta trata di recurso di pueblo di Aruba, y e asunto ta directamente relaciona cu integridad di gobernacion y responsabilidad financiero.
Follow NoticiaCla
