Gobierno di Corsou a nombra Banco di Caribe como banco di cas pa gobierno

WILLEMSTAD - Gobierno di Corsou a nombra Banco di Caribe como e nobo banco di cas pa gobierno. Esaki ta nifica cu e banco lo bira responsable pa maneho di varios cuentanan bancario y transaccionnan financiero di gobierno.

Segun gobierno, e escoyencia a wordo haci despues di un procedimiento di seleccion unda varios banco a wordo evalua. Banco di Caribe a sali como e mihor opcion, basando riba entre otro servicionan, posibilidadnan technico y condicionnan financiero.

Ministerio di Finanzas ta enfatisza cu e cooperacion aki ta destina pa haci maneho financiero di gobierno mas eficiente y moderno. Cu e acuerdo nobo, e sistema di pagonan di gobierno mester wordo sostene mihor y sigui digitalisa mas aun.

Nombramento di Banco di Caribe como banco di cas ta nifica tambe cu e banco lo haya un rol central den pagonan di y na gobierno. Tambe e banco por ofrece soporte den maneho di cuentanan di gobierno y otro servicionan financiero.

Gobierno ta spera cu e cooperacion lo contribui na un sistema financiero estable y confiabel pa e pais.