FCCA ta inverti 46 miyon florin den casnan social na Aruba

FCCA ta inverti 46 miyon florin den casnan social na Aruba

Posted on 03/5/2026 9:16 am AST | Updated on 03/5/2026 9:27 am AST

ORANJESTAD – Woningstichting FCCA lo inverti un total di 46 miyon florin den construccion di entre 304 y 370 casnan social na Aruba. Mitad di e fondo ta bin for di gobierno, mientras e otro mitad ta bin for di e fundacion mes. Segun e involucradonan, e situacion riba mercado di vivienda na Aruba ta preocupante. Demanda pa cas y pa tereno di construccion ta hopi halto.

OFERTA 

Cu e inversion aki, e meta principal ta pa aumenta rapidamente e oferta di casnan pagabel y mas chikito. E casnan planea ta enfoca principalmente riba hogarnan chikito, manera personanan soltero di 50 aña of mas, un grupo cu segun FCCA actualmente tin e demanda mas grandi.

MAS TERENO DOOR DI PARCELA MAS CHIKITO

Ademas di proyecto nobo di construccion, gobierno tambe ta traha riba un otro manera di reparti tereno pa construccion. Actualmente tin 360 tereno disponible, pero door di parti parcelanan unda ta posible, gobierno kier crea mas posibilidad pa construccion. Door di permiti tereno mas chikito, e cantidad di cas por subi te aproximadamente 580 unidad di vivienda, por ehempel den forma di dos cas bou di mesun dak, un sistema cu ya ta wordo aplica na Aruba desde tempo. Terenonan mas grandi lo keda tambe disponible pa construccion tradicional. Riba parcelanan di mas cu 800 metro cuadrado, calcula ta cu ainda por construi entre 90 y 100 cas.

PROYECTO GRANDI NA BURUBUNDU

Un di e proyectonan mas grandi ta planea pa Burubundu. E plan ta pa cuminsa aun e aña aki cu desaroyo di aproximadamente 850 cas. E proyecto ta preve un barrio completo, cu entre otro tiendanan, facilidadnan deportivo y recreativo, y dos scol. E area lo haya diferente tipo di cas, incluyendo cas familiar, cas di dos piso y edificio di apartamento di cuatro piso. E construccion lo tuma lugar riba tereno di gobierno, mientras gobierno lo encarga su mes di infraestructura basico. E casnan posteriormente lo wordo bira na huur of benta bou di supervision. Ademas di Burubundu, tambe tin proyectonan den preparacion na Port City (Town) y Sero Colorado. NOTA; E potret ta solamente un ilustracion pa acompaña e articulo y no ta necesariamente ta e plan real di FCCA. 

  • Powered by SETAR