- Hulanda a bin di patras y gana Nicaragua 4-3 den un final dramatico den World Baseball Classic 2026
- Aruba ta conoce su di 4 morto den trafico pa 2026
- Venezuela a logra un victoria di 6-2 contra Hulanda den e World Baseball Classic 2026
- Van der Burg: No ta sostene idea di Eman pa cambia debe di Covid den fondo di inversion
- Vd Burg: No ta dispuesto pa 'cambia' e version actual di HOFA
Campaña conhunto pa entrega arma di candela a inicia
SANTA CRUZ - Cuerponan Policial di Caribe Hulandes den cooperacion cu e Colegio di Hefenan di Cuerpo (college van korpschef), a anuncia lansamento di un accion interinsular relaciona cu entrega di arma di candela ilegal.
E iniciativa conhuntamente ta un colaboracion di e organisacionnan di Caribe Hulandes cu cooperacion di Ministerionan Publico di Aruba, Corsow, Boneiro, Saba, Sint Eustatius y Sint Maarten.
Pa prome biaha tur e islanan aki simultaneamente ta traha riba un accion di entrega di arma di candela ilegal. E meta principal di e accion coordina aki ta, pa brinda tur esnan cu ta den posecion di un arma di candela ilegal, e oportunidad pa di un forma boluntario entrega esaki durante di un periodo determina, sin cu e tin consecuencia penal pa violacion di e ley di arma di candela.
Cu e accion colectivo aki e islanan kier manda un mensahe fuerte: arma di candela ilegal y violencia cu arma no ta wordo tolera den nos comunidadnan.
E proyecto ta refleha e responsabilidad comparti di tur e islanan pa hisa e seguridad publico.
E momento sincronisa di e accion ta demostra e strategia regional di union, pa alcansa na reducion di e cantidad di armanan di candela ilegal cu tin den circulacion y asina preveni tambe e cantidad di violencianan cu arma di candela.
A base di resultado di e accion aki, e cuerponan hunto cu Ministerionan Publico lo intensiva e esfuersonan.
Esaki dor di eherce controlnan y entradanan hudicial cu lo bai tin na tur parti y sitionan riba e islanan, buscando arma di candela ilegal.
Cuerponan policial di tur e islanan ta haci un yamada na tur ciudadano pa asumi nan responsabilidad y contribui na un sociedad mas sigur, dor di hasi bon uso di e oportunidad encuestion.
Dor di entrega bo arma di candela ilegal awor, bo ta evita di keda persigui penalmente y ademas bo ta salba bida.
Mas detaye tocante temporada, localidad y procedura pa entrega di arma di candela, lo keda comunica dor di cada Cuerpo policial individualmente, den e dianan cu ta sigui.
Aruba ta conoce su di 4 morto den trafico pa 2026
ORANJESTAD - Gilliane Russiane Albert (27) a bira e di 4 morto di trafico diasabra merdia. Tabata diaranson anochi 4 maart 2026 pa 10:54 di anochi Central di Polis a wordo notifica di un accident cu a tuma lugar riba caminda di Seroe Tijshi. Un auto lo mester a bolter lagando e chauffeur herida.
29 aspirant di Scol di Polis a huramenta y 25 brigadier a completa nan MKO
Hobencito di 5 aña bringando pa su bida debi na posibel negligencia na creche
ORANJESTAD – Un hobencito di 5 aña ta bringando pa su bida awe nochi, caminda pa Bogota Colombia, despues cu pa motibo di aparente negligencia na un creche na San Nicolas, e la bira asina malo cu tabata teme pa su bida. Ta mustra cu na e creche, lo a lubid’e pa varios ora, mientras cu e tabata cera den un van di e compania. Diamars atardi central di Polis a wordo notifica door di AC (alarm central) di e caso serio ora cu ya e mucha homber di 5 aña a yega na Imsan y e no tabata reacionando.
Polis a detene homber y confisca droga cu a yega tera na Aruba
ORANJESTAD - Dialuna mainta pasa di 8’or central di polis ta notifica personal di UGC( Departamento di Crimen Organisa)di un boto cu lo a yega canto na un boca pariba di Boca Mahos. Mesora central ta manda patruya di polis di Sta Cruz pa bay na e sitio menciona. Polis na caminda pa e asistencia ta topa cu un persona masculino canado banda di caminda y ta full muha. Polis ta para di biaha y ta atende cu e homber y ta resulta cu e tabata abordo di e boto cu a yega canto un rato pasa. Ta trata aki di un homber nacionalidad Colombiano y e la wordo deteni bao sospecho di leynan vigente di droga.
Polis a detene tres persona y confisca droga Hasj
ORANJESTAD - Recientemente a wordo intercepta diferente barco cu carga di droga (hasj) aden. Den total 4 kilo di hasj a wordo confisca. Relaciona cu e carganan Unit Narcotica a haci dos entrada hudicial. Team di aresto a haci entrada hudicial na un percela na Bubali y na Seroe Patrishi.
Polis a multa 44 chauffeur pa core auto cu velocidad halto
Follow NoticiaCla
