Israel y Merca ta ehecuta atakenan riba Iran

WASHINGTON - Israel y Merca a ehecuta hunto atakenan riba Iran diasabra mainta ora di Iran. Tin explosion den capital Teheran y nubia di huma denso ta cubri e ciudad. Israel ta bisa cu ta trata di un “atake preventivo”. Na cuminsamento a tende tres explosion, pero awor tin mas reporta.

Tambe riba otro ciudanan ta ehecuta atakenan aereo; a reporta explosion for di Isfahan, Karaj y Kermanshah, segun agencia di prensa iraní Fars.

Segun un funcionario di ehercito israelí cu a papia cu agencia Reuters, e atakenan a wordo prepara pa lunanan largo y e fecha tabata fiha caba siman pasa. Segun mesun funcionarianan, Israel ta prepara pa “varios dia” di atakenan. Presidente Trump di Merca a confirma e atakenan y a prepara cu por tin morto mericano tambe cu por cay. Ademas a pidi Iraninan pa prepara pa ‘tumba’ nan propio gobierno. Iran mientrastanto a responde bek cu atake riba propiedadnan mericano den region y tambe a retalia contra Israel cu raket.