- Hulanda a bin di patras y gana Nicaragua 4-3 den un final dramatico den World Baseball Classic 2026
- Aruba ta conoce su di 4 morto den trafico pa 2026
- Venezuela a logra un victoria di 6-2 contra Hulanda den e World Baseball Classic 2026
- Van der Burg: No ta sostene idea di Eman pa cambia debe di Covid den fondo di inversion
- Vd Burg: No ta dispuesto pa 'cambia' e version actual di HOFA
Na Corsou , Dr. Emsley Tromp a haña 6 luna den apelashon tambe
WILLEMSTAD - E èks presidente di Banko Sentral di Kòrsou i St. Maarten, dr. Emsley Tromp, ayera tardi a keda sentensiá na un kastigu konforme e veredikto anterior den korte di promé instansia. T’asina ku Tromp a bai den apelashon i ayera a tende wes dun’é e mesun 6 luna kondishonal, pues nada no a kambia! Promé ku el a drenta den e motivashon dje sentensia, wes Waarts, a informá e akusado kiko e kastigu ta bira, esta 6 luna kompletamente kondishonal. Wes a splika ku, hurídikamente korte ta destruí e sentensia di promé instansia, pero ku e loke ta bini na su lugá lo ta igual. Solamente den e kaso di apelashon e ta ser sentensiá komo kómplise. Tromp a ser akusá ku den e periodo di mei 2009 pa yanüari 2017 el a hasi su mes kulpabel di falsifikashon di dokumento. Den e kaso aki huntu ku un kolega dje tempu ei, R. Lourents, a hasi trámitenan pa por a regla un fiansa di $400.000 komo fiansa pa un tienda di paña (Armani Exchange) ku el a habri pa su partner di bida sra. Yanet de Castro.
E kaso a bira interesante komo ku e plaka aki ku a ser fiá serka Banco di Caribe, no a bai riba kuenta dje negoshi sino direktamente pa su kuenta personal. Tromp a splika durante e kaso ku parti grandi dje sèn tabata pa deskontá adelantonan ku el a duna pa lanta e negoshi.
Segun wes, su abogadonan a trese dilanti ku e kaso aki kontra Tromp lo tabata polítikamente motivá. Pero e magistrado a rechasá e ponensia ei bisando ku e no ta mira motibu pa yega na e konklushon ei. Ademas Hof no a mira ningun puntonan válido i konkreto pa pensa ku lo tabatin un motivashon polítiko pa persiguí Tromp.
Mas aleu el a deklará ku, pa hopi tempu Tromp tabata sentro di investigashon komo sospechoso den mas kaso penal. Por papia aki di e investigashonnan denominá komo Saffier i Hercules. Es mas, a base di resultadonan den e investigashon Saffier, Tromp a ser persiguí komo sospechoso pa froude fiskal. No opstante esei, el a ser deklará liber. Den e hasi di Hercules Ministerio Públiko tabatin mester di mas tempu i p’esei a surgi tardansa.
Tambe Hof a konsiderá ku for di un prinsipio, na 2017 de Castro a rekonosé ku e no tabatin saber dje aktividatnan froudulento, i el a bisa ku e no ta kòrda di eksistensia di sierto dokumentonan. Tambe abogadonan a pidi pa ekskluí deklarashonnan di Lourents for di e pruebanan den e kaso aki, pero e ponensianan a ser rechasá.
Sr. Tromp tin dos siman pa e deliberá ku su abogadonan i disidí si e lo opta pa bai den kasashon ku su kaso. NOTA: Texto ta scirbi den papiamento fonetico di Corsou.
Gobierno di Corsou a nombra Banco di Caribe como banco di cas pa gobierno
WILLEMSTAD - Gobierno di Corsou a nombra Banco di Caribe como e nobo banco di cas pa gobierno. Esaki ta nifica cu e banco lo bira responsable pa maneho di varios cuentanan bancario y transaccionnan financiero di gobierno.
Gabinete Pisas di Corsou a prohibi director di Cas di Corsou entrada
WILLEMSTAD - E situashon na Kas di Kòrsou ta keda unu bergonsoso. Na víspera yegada di Minister Plenipotensiaro interino den persona di sr. Errold Bishop, ayera gabinete Pisas ta prohibí e direktor di Kas di Kòrsou. Den un karta fechá 1e di mart, pero ta ayera 2 di mart numa e direktor di Kas di Kòrsou, sra. Martha Semil, ta haña esaki, gabinete Pisas ta informá e direktor pa entregá yabi i tur material ku e tin di Kas di Kòrsou.
‘Nos pasado ta determina ken nos ta’: hobennan ta traha pelicula riba sclavitudUntitled
WILLEMSTAD – Hobennan for di Aruba, Boneiru, Corsou y Sint Maarten hunto cu documentalista Roland Colastica a presenta e pelicula AWO NOW NU na gobernador Mauritsz de Kort di Corsou. E encuentro a tuma lugar riba 24 di februari den marco di presentacion oficial di e documental, cu ta pone e impacto di pasado di sclavitud riba hobennan como punto central.
Pelotero profesional di Corsou, Jonathan Schoop den libertad, pero ta keda sospechoso
WILLEMSTAD - Ayera den korte di apelashon, porta será, e tribunal di Hof a bai di akuerdo ku mr Athena Sulvaran pa posponé detenshon di e pelotero profeshonal Jonathan Schoop . Den e kaso akí e tribunal di Hof a haña ku e situashon personal i privá ta pisa mas i no tin motibunan grave pa sigui ku su detenshon, pero Schoop lo keda sospechoso den e kaso akí pendiente mas investigashon.
Na Corsou tambe tin scarsedad di plachi di number di auto
WILLEMSTAD.- Tin retraso di entrega di plachinan di number di outo nobo. Esaki ta trese kuné ku tur probabilidat, repartishon di e plachinan i number nobo lo tuma lugá awor den luna di mart próksimo. Den luna di yanüari último minister di finansa sr. Charles Cooper a anunsiá ku den e di tres siman di luna di febrüari lo kuminsá ku repartishon di e plachinan di number nobo.
Top funcionarionan di gobierno na Corsou lo por gana maximo 386.000 florin
WILLEMSTAD – Mas tarda pa 21 di december 2027, e salarionan di topfuncionarianan den gobierno y empresanan gubernamental na Corsou no mag ta mas halto cu 386.000 florin pa aña. Esaki ta resulta for di Landsverordening Normering Topinkomens (LNT) y un nota di splicacion publica recientemente tocante e proposicion di ley.
Follow NoticiaCla
