- Hulanda a bin di patras y gana Nicaragua 4-3 den un final dramatico den World Baseball Classic 2026
- Aruba ta conoce su di 4 morto den trafico pa 2026
- Venezuela a logra un victoria di 6-2 contra Hulanda den e World Baseball Classic 2026
- Van der Burg: No ta sostene idea di Eman pa cambia debe di Covid den fondo di inversion
- Vd Burg: No ta dispuesto pa 'cambia' e version actual di HOFA
Trouw: Aruba ta actua mas estricto contra aborto, hasta den caso di violacion
AMSTERDAM - E comite di experto cu ta evalua cumplimiento di Tratado di ONU pa Derecho di Hende Muher a expresa preocupacion serio riba posicion di hende muher na islanan caribeño Aruba, Corsou y Sint-Maarten. Asina e escritor di e portal hulandes Trouw, Jeroen Blijker ta scirbi awe den un relato na Hulanda. Segun e articulo, riba e islanan aki — paisnan autonomo den Reino Hulandes — aborto ta ilegal. Esaki incluso ta aplica den caso di violacion, peligro pa bida y salud di mama, of ora fetus no ta viable. Situacion ta diferente riba Bonaire, Sint-Eustatius y Saba, e otro islanan di ex-Antia Hulandes. Nan a armonisa nan legislacion ora nan a haya status di “municipio special” den 2010. Consecuentemente, aborto riba e islanan BES ta legal bou di cierto condicionnan, mescos cu den Hulanda.
PENA SEVERO DI PRIZON
Specialmente Aruba a strengta aplicacion di ley algun aña pasa, despues di añanan di tolerancia, segun organisacion hulandes Fiom. E organisacion aki ta duna informacion y apoyo na hende muher cu embarazo no deseá, incluyendo den Caribe di Reino. Den Codigo Penal di Aruba awor ta stipula cu persona cu haci of cu somete na aborto por ricibi te cuater aña di prizon — of un multa di mas of menos 24.000 euro. Segun Fiom, no ta cla con frecuentemente esaki ta wordo aplica. Loke si ta cla, segun organisacion, ta cu e ley estricto no a elimina aborto riba e isla mayormente catolico: ainda tin un circuito informal di doctor y botica cu ta provee asistencia.
Asina, hopi hende muher na Aruba sa ken nan por contacta pa interrumpi embarazo. “Via medico di cas, hende muher por haya e ayudo relativamente bon,” Fiom ta bisa. “Problema principal ta cu hende muher mester paga e gasto nan mes.” Riba un isla cu relativamente pober (segun e articulo), esaki ta stimula relato riba remedi casero cu algun hende muher por usa for di desesperacion, aunke no ta cla con frecuentemente esaki ta pasa.
CULTURA DI TOLERANCIA
Na Corsou y Sint-Maarten aborto tambe ta ilegal, pero den practica e islanan aki frecuentemente ta tolera esaki. Tin un cultura di tolerancia, particularmente na Corsou, unda aborto ta wordo tolera pa mas di 30 aña, segun Fiom. Na Corsou, un grupo di dokter di cas ta dispuesto pa provee aborto te 12 siman di embarazo, despues cual hospital ta asumi e atencion. Inspectie di salud ta supervisa calidad di atencion, apesar cu aborto oficialmente ta prohibi. “Segun loke por wordo determina, hende muher generalmente mester paga aborto nan mes,” Fiom ta indica. Na Sint-Maarten tambe asistencia pa aborto ta accesibel den practica, apesar di prohibicion legal. Ta comun pa contacta directamente un ginecologo riba e isla. Si no, dokter di cas normalmente por yuda. Tambe tin un instancia gubernamental unda hende muher embarasa por busca informacion. Finalmente, tin Saint-Martin, e parti frances di e isla. Aya, ley frances ta aplica y aborto ta permiti bou di regla. Pero den tur caso, hende muher di Sint-Maarten mester paga e costo nan mes.
Van der Burg: No ta sostene idea di Eman pa cambia debe di Covid den fondo di inversion
DEN HAAG / ORANJESTAD – Hulanda no ta dispuesto pa sostene e idea di gabinete AVP-FUTURO (lesa: prome minister Mike Eman:red) pa converti e debe actual di COVID den un fondo di inversion. E peticion ey a bin di actual prome minister Mike Eman for di momento cu aña pasa e la bira prome minister atrobe. E prome intento a fracasa ora cu e la puntra e secretario di estado e tempo ey, Eddie van Marum, cu tabata secretario di estado pa Asuntonan di Reino e tempo ey. Awor cu gobierno a cambia, e pensamento pa esaki si a keda mescos. No!.
Vd Burg: No ta dispuesto pa 'cambia' e version actual di HOFA
DEN HAAG / ORANJESTAD – Signatura di Gobierno di Hulanda por a cambia, pero nan pensamento pa cu Aruba su asuntonan no. Esey por a compronde diabierna merdia durante un conferencia di prensa entre secretario di estado nobo di Hulanda pa Asuntonan di Reino Eric van der Burg cu periodistanan di Reino. Riba e tema di HOFA y conversion di debe di covid den fondo di inversion, Aruba a haya cada biaha un no, como contesta. No pa cambio di contenido di HOFA, y no pa converti e debe di Covid den un fondo di inversion.
Minister Schwengle a atende su prome reunion di Conseho di Minister di Reino
DEN HAAG – Minister Schwengle a atende su prome reunion di Conseho di Minister di Reino (RMR). Na final di e RMR tabata tin un momento cu e tres Ministernan Plenipotenciario a pose hunto riba potret. Na e ocacion aki mescos cu tabata e caso di Aruba, pa e Minister Plenipotenciario di Curaçao Errold Bishop tambe tabata su prome reunion di RMR.
RMR: Ley di Reino (HOFA) ta bay Raad van State di Reino pa conseho
DEN HAAG - E proposicion pa un Ley di consenso di Reino finansa publico duradero Aruba (HOFA) ta bay Raad van State di Reino pa conseho. Conseho di Minister di Reino a bay di acuerdo cu esey awe. Cu esey, despues di finalisa e consulta, a dal atrobe un siguiente paso pa realisa e proposicion di ley aki di Aruba y Hulanda conhunto.
Un dia despues di a huramenta na Aruba, minister Mildred Schwengle a yega Hulanda
DEN HAAG – Mildred (Milly) Schwengle a yega awe mainta Hulanda, despues cu ayera ela keda huramenta door di Gobernador di Aruba Alfonso Boekhoudt, como Minister Plenipotenciario di Aruba na Hulanda. Minister Schwengle a wordi ricibi na Schiphol door di hefe di e departamento huridico di Gabinete di Aruba mr. Shandra John.
Na Hulanda, autornan ta exigi cu Meta stop cu uso di nan trabou pa entrená AI
HILVERSUM - Sindicato di periodistanan NVJ, Auteursbond y sindicato di scibinan Lira na Hulanda ta exigi paMeta stop cu uso di texto scibi pa periodistanan y traductornan Hulandes pa entrena modelonan di inteligencia artificial (AI). Segun e sindicatonan, e compañia matriz di Facebook y Instagram ta usa trabounan cu tin derecho di autor pa entrena e modelo di lenga di Meta, Llama, sin paga e autornan pa esaki. Den un carta di somacion manda awe, e sindicatonan ta exigi cu e compañia di Mark Zuckerberg stop cu uso di e datasetnan ilegal. Tambe, segun nan, Meta mester stop cu ofrecemento di modelonan AI cu a wordo entrena cu e tipo di material aki. Si Meta no duna seguimiento na e carta, lo sigui un proceso legal, asina ta bisa presidente di Nederlandse Vereniging voor Journalisten, Thomas Bruning.
Follow NoticiaCla
