Gabinete-Jetten a huramento awe: E gabinete nobo di Hulanda ta oficialmente na poder

DEN HAAG - E gabinete nobo di Hulanda, lidera pa prome minister Rob Jetten, a huramenta awe mainta na Paleis Huis ten Bosch. Cu esaki, e gabinete-Jetten oficialmente a drenta na poder y ta cuminsa su periodo di gobernacion. E gabinete ta forma pa e partidonan D66, VVD y CDA y ta consisti di 18 minister y 10 staatssecretaris. Durante e ceremonia oficial, e equiponan di gobierno a wordo presenta riba e trapinan di e palacio dilanti di Rey Willem-Alexander. E huramentacion dilanti di e Rey ta marca e inicio formal di e gabinete nobo.

DISTRIBUCION DI PUESTO

Den e Gabinete-Jetten, D66 tin e mayor aporte cu 7 minister y 3 staatssecretaris. VVD ta aporta 6 minister y 3 staatssecretaris, mientras CDA tin 5 minister y 3 staatssecretaris. Un di e staatssecretarisnan, Palmen, no ta afilia cu ningun partido politico.

MENOS MINISTERIO

Compara cu e gabinete anterior, e gabinete-Jetten tin 3 ministerio menos. E carteranan a wordo integra den otro ministerionan existente:

Asilo y Migracion a bai bou di Husticia y Seguridad

Klima y Crecemento Berde a bai bou di Asuntanan Economico y Klima

Vivienda Publico y Ordenacion Teritorial a bai bou di Asuntanan Interno y Relacionnan di Reino

Ademas, Ministerio di Asuntanan Economico a haya un nomber nobo: Asuntanan Economico y Clima.

MINISTER SIN MINISTERIO PROPIO

E gabinete nobo tin tambe 6 minister cu no ta lidera un ministerio  specifico, pero cu tin portafolio propio. Esakinan ta:

Comercio Exterior y Cooperacion pa Desaroyo

Asilo y Migracion

Vivienda Publico y Ordenacion Teritorial

Clima y Crecemento Berde

Labor y Participacion

Cuido di Largo Plaso, Hubentud y Deporte

Cu e huramentacion di awe, Hulanda oficialmente a haña un gobierno nobo despues di e proceso di formacion politico.