Willie Colón, cantante y musico di salsa, a fayece na edad di 75 aña

NEW YORK - Willie Colón, e prominente cantante y musico di salsa, a fayece na edad di 75 aña. Famia di Colón a anuncia su fayecimento diasabra cu un mensahe di homenahe riba Facebook. “Cu profundo tristesa nos ta anuncia fayecimento di nos esposo, tata y musico renombra, Willie Colón. El a fayece trankil awe mainta, rondona pa su famia stima,” segun e declaracion cu tabata bou di un potret di e cantante, publica den spañol y ingles. “Mientras nos ta yora su ausencia, nos tambe ta celebra e regalo eterno di su musica y e recuerdo nan stima cu el a crea, cu lo biba pa semper.” E declaracion a conclui: “Nos famia ta hopi gradici pa boso oracion y sosten durante e periodo aki di duelo. Nos ta pidi pa respeta nos privacidad mientras nos ta pasa pa nos tristesa.”