Varios avion a termina na Corsou debi na bommelding di Aruba

Posted on 02/10/2026 8:48 am AST | Updated on 02/10/2026 8:49 am AST

WILLEMSTAD – Corsou a raporta cu varios avion a termina na aeropuerto Hato dialuna, despues di e bommelding riba avion di JetBlue. Na Aruba nan ta hasi menshon di un impakto grandi, mirando ku tabatin por lo ménos 4 avion ku tabata yegando Aruba, ku mester a keda sirkulá riba Aruba, promé ku a disidí si nan ta baha òf ta keda desviá pa Kòrsou. Un avion sigur a keda desviá mesora. E situashon tabata fèrfelu den sentido ku esaki a sosodé den e orario ‘peak’, ora ku tur e avionnan di Merka tabata sea baha òf lanta buelo. Riba e potrètnan por mira dos avion ku e momentu ei tabata aki na Kòrsou despues ku nan a keda desviá. NOTA: Texto ta scirbi den papiamento fonetico di Corsou.

Gobierno di Corsou a nombra Banco di Caribe como banco di cas pa gobierno
WILLEMSTAD - Gobierno di Corsou a nombra Banco di Caribe como e nobo banco di cas pa gobierno. Esaki ta nifica cu e banco lo bira responsable pa maneho di varios cuentanan bancario y transaccionnan financiero di gobierno.
Mas Corsow
Lesa Mas
Gabinete Pisas di Corsou a prohibi director di Cas di Corsou entrada
WILLEMSTAD - E situashon na Kas di Kòrsou ta keda unu bergonsoso. Na víspera yegada di Minister Plenipotensiaro interino den persona di sr. Errold Bishop, ayera gabinete Pisas ta prohibí e direktor di Kas di Kòrsou. Den un karta fechá 1e di mart, pero ta ayera 2 di mart numa e direktor di Kas di Kòrsou, sra. Martha Semil, ta haña esaki, gabinete Pisas ta informá e direktor pa entregá yabi i tur material ku e tin di Kas di Kòrsou.
Mas Corsow
Lesa Mas
Na Corsou , Dr. Emsley Tromp a haña 6 luna den apelashon tambe
WILLEMSTAD - E èks presidente di Banko Sentral di Kòrsou i St. Maarten, dr. Emsley Tromp, ayera tardi a keda sentensiá na un kastigu konforme e veredikto anterior den korte di promé instansia. T’asina ku Tromp a bai den apelashon i ayera a tende wes dun’é e mesun 6 luna kondishonal, pues nada no a kambia! Promé ku el a drenta den e motivashon dje sentensia, wes Waarts, a informá e akusado kiko e kastigu ta bira, esta 6 luna kompletamente kondishonal. Wes a splika ku, hurídikamente korte ta destruí e sentensia di promé instansia, pero ku e loke ta bini na su lugá lo ta igual. Solamente den e kaso di apelashon e ta ser sentensiá komo kómplise. Tromp a ser akusá ku den e periodo di mei 2009 pa yanüari 2017 el a hasi su mes kulpabel di falsifikashon di dokumento. Den e kaso aki huntu ku un kolega dje tempu ei, R. Lourents, a hasi trámitenan pa por a regla un fiansa di $400.000 komo fiansa pa un tienda di paña (Armani Exchange) ku el a habri pa su partner di bida sra. Yanet de Castro.
Mas Corsow
Lesa Mas
‘Nos pasado ta determina ken nos ta’: hobennan ta traha pelicula riba sclavitudUntitled
WILLEMSTAD – Hobennan for di Aruba, Boneiru, Corsou y Sint Maarten hunto cu documentalista Roland Colastica a presenta e pelicula AWO NOW NU na gobernador Mauritsz de Kort di Corsou. E encuentro a tuma lugar riba 24 di februari den marco di presentacion oficial di e documental, cu ta pone e impacto di pasado di sclavitud riba hobennan como punto central.
Mas Corsow
Lesa Mas
Pelotero profesional di Corsou, Jonathan Schoop den libertad, pero ta keda sospechoso
WILLEMSTAD - Ayera den korte di apelashon, porta será, e tribunal di Hof a bai di akuerdo ku mr Athena Sulvaran pa posponé detenshon di e pelotero profeshonal Jonathan Schoop . Den e kaso akí e tribunal di Hof a haña ku e situashon personal i privá ta pisa mas i no tin motibunan grave pa sigui ku su detenshon, pero Schoop lo keda sospechoso den e kaso akí pendiente mas investigashon.
Mas Corsow
Lesa Mas
Na Corsou tambe tin scarsedad di plachi di number di auto
WILLEMSTAD.- Tin retraso di entrega di plachinan di number di outo nobo. Esaki ta trese kuné ku tur probabilidat, repartishon di e plachinan i number nobo lo tuma lugá awor den luna di mart próksimo. Den luna di yanüari último minister di finansa sr. Charles Cooper a anunsiá ku den e di tres siman di luna di febrüari lo kuminsá ku repartishon di e plachinan di number nobo.
Mas Corsow
Lesa Mas