Conseho di Minister di Hulanda a duna aprobacion na Woningwet BES

DEN HAAG -  Conseho di Minister di Hulanda diabierna a duna su aprobacion na e asina yama Woningwet BES, osea e ley di vivienda. E propuesta di ley aki tin como meta pa cuida pa e construccion di mas cas di huur social y pagabel riba e islanan BES (Bonaire, Sint Eustatius y Saba), door di duna fundacionnan di vivienda riba e islanan un mehor acceso na financiacion. E propuesta di ley a pasa zomer pasa den consulta via internet y awor ta wordo manda pa conseho na Raad van State. Despues di esaki lo sigui e tratamiento den Tweede Kamer y Eerste Kamer. Cu e ley nobo, fundacionnan di bivienda por haci un peticion pa ricibi un status oficial como institucion autorisa. Cu esaki nan ta bini bou di supervision di Autoriteit Woningcorporaties. Asina nan por participa den Waarborgfonds Sociale Woningbouw, cu ta garantisa prestamo y ta haci financiacion cu interes mas abou posible.

MAS VIVIENDA Y BIBA MIHO

E acceso mehora na financiacion ta pone fundacionnan di vivienda den posicion pa construi mas cas di huur social, mantene casnan existente mihor y inverti den biba y bario. Esaki ta hopi necesario, pasobra e falta di casnan pagabel riba e islanan ta grandi, specialmente pa hende cu entrada abou y medio. E propuesta di ley ta contribui asina tambe na combati contra pobreza.

E Woningwet BES lo wordo incorpora finalmente como un capitulo separa den Woningwet y ta wordo adapta  specificamente na e circunstancianan local di Bonaire, Sint Eustatius y Saba.