- Hulanda a bin di patras y gana Nicaragua 4-3 den un final dramatico den World Baseball Classic 2026
- Aruba ta conoce su di 4 morto den trafico pa 2026
- Venezuela a logra un victoria di 6-2 contra Hulanda den e World Baseball Classic 2026
- Van der Burg: No ta sostene idea di Eman pa cambia debe di Covid den fondo di inversion
- Vd Burg: No ta dispuesto pa 'cambia' e version actual di HOFA
Nos Monarcanan di eventonan di SMAC a ricibi nan premio di SETAR
(ADVERTORIAL)
ORANJESTAD - Diahuebs merdia den un ambiente carnavalesco, tur e ganadornan di eventonan di SMAC tabata presente na SETAR Conexion Center hunto cu representantenan di SMAC y nan famia pa ricibi nan premio di SETAR.
Manera ta custumber cada Monarca di Carnaval 72, esta Prins y Pancho Infantil, Hubenil, Grandi y Adulto, Reinanan di Carnaval Infantil, Hubenil, Grandi y Señora Carnaval, Calypso King Infantil, Calypso Queen Hubenil, Roadmarch Queen Infantil, Roadmarch King Hubenil, Rey di Tumba Infantil, Reina di Tumba Hubenil, Rey di Tumba Loco y nos Rey di Tumba a ricibi nan premio for di hefe di Mercadeo di SETAR, Roxana Semeleer-Ras.
Pa SETAR, como nos compania nacional di telecomunicacion, ta un orguyo pa ta sponsor oficial di nos Carnaval desde Carnaval 49. Como compania, nos ta kere firmemente den Carnaval y nos ta aporta grandemente tur aña na paradanan, actividadnan y festivalnan di Carnaval. En especial, na nos gruponan di Carnaval di Mucha y na Carnaval di Noord, p’asina garantisa continuidad di e paradanan pa nos muchanan y futuro generacionnan por gosa.
Carnaval ta nos fiesta cultural di mas grandi y SETAR ta invita pueblo di Aruba pa hunto nos celebra y gosa di e ultimo dos simannan di Carnaval 72!
VIDEO: Maduro: Si nos sigui asinaki, e cantidad di turista cu ta bin Aruba lo hoga nos isla
ORANJESTAD – Si nos sigui asinaki, e cantidad di turista cu ta bin Aruba lo hoga nos isla. Asina e pionero di concepto di Timeshare na Aruba, Raymond Maduro a bisa recientemente den e programa Noticiacla LIVE. Maduro ta e persona cu a introduci Aruba cu e concepto hotelero di Timeshare den añanan 70, cu hotelnan manera Aruba Beach Club, Playa Linda, Casa del Mar y Costa Linda. Segun Maduro, un persona di Nacionan Uni a bisa cu Aruba a surpasa e cantidad ey caba.
ATA a honra Ewald Biemans pa su dedicacion na bolsa turistico ITB di Berlin
BERLIN - Aruba Tourism Authority (A.T.A.) cu gran honor a reconoce Ewald Biemans pa su dedicacion remarcabel y tur e añanan cu el a inverti promoviendo Aruba na Europa. E momento special aki a pasa durante e presencia di Aruba na ITB Berlin, hunto cu hopi partner di e industria, y den conmemoracion di 40 aña di Status Aparte, 50 aña di nos Himno y Bandera y e di 60 aniversario di ITB.
Hoogervorst: Aunke e debe ta bahando, Aruba mester di HOFA
ORANJESTAD – Aruba mester di HOFA, aunke cu cos ta bayendo bon. Asina e presidente di e colegio di supervision financiero pa Aruba CAFt, drs Hans Hoogervorst a bisa Tito Laclé den e programa Noticiacla LIVE diahuebs anochi. E pregunta specifico riba e ponencia di parlamentario di MEP Evelyn Wever Croes, cu durante reunion di IPKO recientemente a bisa cu Aruba no mester di e ley di reino HOFA, mirando cu Aruba ta bayendo bon caba sin dje. Hoogervorst a admiti cu Aruba ta bayendo bon, pero, cu ainda Aruba tin un debe!. Y pa seguridad pa futuro, esey ta suficiente motibo pa tin HOFA toch.
Consalves: Aruba lo por dicidi entre mei y juni riba re-apertura di buelonan cu Venezuela
ORANJESTAD – Segun e hende di mision di Hulanda Carmen Consalves den un entrevista cu e periodista venezolano Román Lozinski, e Prome Minister di Aruba Mike Eman ta preve di tuma un desicion entre mei y juni riba e posible reapertura di buelonan entre Aruba y Venezuela. Segun e informacion comparti, gobierno di Aruba ta sigui evaluando e situacion politico y di seguridad na Venezuela, hunto cu consulta cu autoridatnan den Reino Hulandes. E decision final lo depende di varios factor, incluyendo desaroyo den e situacion regional y e condicionnan pa garantisa control y seguridad den trafico aereo.
FCCA ta inverti 46 miyon florin den casnan social na Aruba
ORANJESTAD – Woningstichting FCCA lo inverti un total di 46 miyon florin den construccion di entre 304 y 370 casnan social na Aruba. Mitad di e fondo ta bin for di gobierno, mientras e otro mitad ta bin for di e fundacion mes. Segun e involucradonan, e situacion riba mercado di vivienda na Aruba ta preocupante. Demanda pa cas y pa tereno di construccion ta hopi halto.
Aruba ta fortalece conexion aereo na Routes Americas 2026 na Rio de Janeiro
ORANJESTAD — E team di Aviation Business Development di Aruba Airport Authority N.V. (AAA) conhuntamente cu Aruba Tourism Authority (A.T.A.), ta representando Aruba e siman aki na Routes Americas 2026 na Rio de Janeiro, e evento lider den desaroyo di servicio aereo di e region. Cu mas di 20 reunion programa cu e aerolineanan y partnernan clave den e industria, e delegacion ta enfoca riba desaroyo di red y identifica oportunidadnan strategico di crecemento pa sigui fortalece e conectividad global di Aruba. Entre e aerolineanan nobo confirma pa reunion, cu actualmente no ta opera pa Aruba tin; Air France–KLM, Breeze Airways, Alaska Airlines, JetSMART y Condor, ademas di otro partnernan existente cu ta di gran balor pa Aruba.
Follow NoticiaCla
