Fondo BJP ta habri ronda nobo di subsidio pa periodistanan Caribeño

Fondo BJP ta habri ronda nobo di subsidio pa periodistanan Caribeño

Posted on 02/6/2026 8:43 am AST | Updated on 02/6/2026 8:55 am AST

WILLEMSTAD – E Fondo Bijzondere Journalistieke Projecten (Fondo BJP) ta habri un ronda nobo di subsidio pa periodista den e parti Caribeno di Reino. E reglamento lo wordo splica durante reunionan publico riba tur seis isla Caribeno na april 2026. Na april 2026, Joelle Terburg, director-bestuurder, y Wensly Francisco, experto di reglamento Caribeno na Fondo BJP, lo bishita e seis islanan.

E ronda nobo di subsidio ta destinado pa sostene projectonan periodistico den region Caribeño y pa fortifica e campo di trabou mas leu. Durante e reunionan, Joelle Terburg, director-bestuurder di e fondo, y Wensly Francisco, experto di reglamento Caribeno, lo duna un splicacion detaya riba e reglamento y e posibilidatnan pa aplica.

Huntu cu e presentacion di e ronda nobo di subsidio, lo tin espasio pa profundisacion periodistico y intercambio. Periodistanan cu anteriormente a ricibi un contribucion di Fondo BJP lo comparti nan experencia cu projectonan cu ta na marcha of cu a wordo completa. Tambe lo tin oportunidad pa networking y pa conoci colega di region.

E reunionan publico lo wordo tene na april riba e siguiente fechannan:

8 april na Sint Maarten, 10 april na Sint Eustatius, 13 april na Saba, 15 april na Bonaire, 17 april na Aruba y 22 april na Corsou. E reunionan ta wordo organiza na colaboracion cu contactonan local. E idiomanan di trabou ta Hulandes, Papiamento y Ingles.

Invitacionnan lo wordo manda na februari. Periodistanan cu na maart ainda no a ricibi un invitacion pero cu tin interes, por pone nan mes na contacto cu e contacto local riba e isla of via [email protected].

  • Powered by SETAR