Buki 40 Jaar Status Aparte: Tussen voortgaan en stilstaan entrega na gobernantenan

Posted on 02/5/2026 9:02 am AST | Updated on 02/5/2026 9:03 am AST

ORANJESTAD - En conexion cu e celebracion di 40 aña di Status Aparte, recientemente a tuma luga e presentacion di e buki 40 Jaar Status Aparte: Tussen voortgaan en stilstaan, un obra cu ta invita na reflexion profundo riba e significado di autonomia, responsabilidad y futuro di Aruba como pais. E presentacion di e buki ta tuma luga den presencia di varios invitado, entre otro di Minister di Relacionnan den Reino, Educacion, Hubentud, Innovaion y Deporte mr. Gerlien Croes y mr. Mike Eman, Prome Minister di Aruba,cu su participacion ta subraya e importancia historico y actual di Status Aparte den e desaroyo politico, huridico y social di nos isla.

E buki, presenta bou redaccion di Lincoln D. Gomez y Brechtje J. Huiskes, ta ofrece analisis huridico, historico y institucional riba e recorido di Aruba desde 1986 te awe, balansando e tension entre progreso y pausa, entre voortgaan y stilstaan.

E obra ta sirbi como un memorialblock cu no solamente ta mira atras riba loke a logra den e ultimo 40 aña, pero cu tambe ta crea preguntanan esencial riba e caminda nos dilanti: Con nos ta maneha autonomia, con nos ta fortalece nos institucionnan, y con nos ta prepara Aruba pa futuro?

E presentacion di e buki aki a tuma luga, den Aula di Universidad di Aruba y a conta cu presencia di varios invitado special. Pa esnan cu no por tabata presente fisicamente, tabatin e oportunidad di presencia esaki virtualmente tambe.

Cu e buki 40 Jaar Status Aparte: Tussen voortgaan en stilstaan, e autornan ta duna un aporte significativo na dialogo nacional riba nos pasado, presente y futuro, y ta invita comunidad, profesional y lidernan pa sigui pensa y traha hunto riba e significado profundo di nos Status Aparte.

Wever: Automobilistanan lo ricibi nan plachinan di number den e proximo dianan
ORANJESTAD - Minister di Finansa mr. Geoffrey Wever, a anuncia diabierna cu automobilista- y motociclistanan lo ricibi nan plachinan di number nobo den e proximo dianan.
Mas Politica
Lesa Mas
Hall of Famer Andruw Jones a bishita minister Eman y Croes na Aruba
ORANJESTAD - Awemainta Prome Minister Mike Eman y Minister di deporte Gerlien Croes a ricibi bishita di ex-pelotero y Hall of Famer, Andruw Jones — un orguyo di hermana isla Corsou cu tambe tin su rais na Aruba. “ Nos a combersa riba e desaroyonan di baseball na Aruba y e vision cu nos tin pa sigui fortalece e deporte aki” minister Croes a bisa despues di e bishita.
Mas Politica
Lesa Mas
Minister Dowers: Lo inicia cu control riba ilegalidad
ORANJESTAD - Durante un recient conferencia di prensa, Minister di Husticia, mr. drs. Arthur Dowers, a comparti informacion riba e maneho di Hunto pa Progreso. Apesar cu e programa a termina algun tempo pasa, awo DIMAS cu sosten di IOM ta den proceso pa match dunadonan di trabao cu esnan cu a registra pa trayecto 4 y cu ta cumpli cu tur rekisito. Esnan cu a registra mester mantene nan informacion di contacto actualisa, mirando cu nan tin 1 aña pa haya un dunado di trabao y pasa pa e trayecto regular.
Mas Politica
Lesa Mas
Aruba ta sigui presta contra interes mas halto cu prome cu 2022
ORANJESTAD – Aruba den 2024 y 2025 tambe ta emiti prestamo di estado contra interes cu structuralmente ta mas halto cu den añanan prome cu 2022. Esaki ta sali for di un bista general di obligacionnan di estado y certificadonan di debe di Banco Central di Aruba. Den 2024, gobierno di Aruba a cera varios prestamo contra interes entre 5,18 y 6,32 porciento, dependiente di duracion y moneda. Asina, den mei 2024 a wordo emiti dos prestamo na florin contra interes di 5,86 porciento y 5,18 porciento, mientras cu den september 2024 a sigui dos prestamo na dolar Mericano contra interes di 6,30 y 6,32 porciento. Tambe den 2025 nivel di interes a keda relativamente halto. Den juni 2025 Aruba a emiti un prestamo na florin di 100 miyon contra 5,19 porciento, sigui pa un di dos prestamo di 65 miyon florin contra 4,51 porciento.
Mas Politica
Lesa Mas
Gobierno ta inverti 170 mil florin pa sigui cu proyecto Lago Heights Park
ORANJESTAD - Gobierno di Aruba, a aproba AWG 170,000 adicional pa desaroyo di Lago Heights Park. Cu e decision aki, a sigura e presupuesto total pa e proyecto. E realisacion di Lago Heights Park ta posibel pa medio di un colaboracion fuerte entre partnernan local y internacional. Financiamento pa e proyecto a wordo sigura pa medio di contribucion di CEDE ARUBA (co-financiador y coordinador), Stichting Jantje Beton (Hulanda), Ministerio di Interior y Relacionnan den Reino (BZK) via Representatie van Hulanda na Aruba, Curaçao en Sint Maarten (VNACS), y Gobierno di Aruba. Hunto, e partnernan aki a percura pa e cobertura financiero completo di e proyecto y a demostra un compromiso comparti pa inverti den espacionan publico sigur, inclusivo, y di calidad halto pa mucha y comunidadnan na Aruba.
Mas Politica
Lesa Mas
Fitch ta na Aruba pa evalua ‘rating’ anual di nos isla
ORANJESTAD - Diamars mainta, Minister di Finansa Geoffrey Wever, hunto cu Directie Financiën y Directie Buitenlandse Betrekkingen a reuni cu un di e tres agencia principal di rating internacional: Fitch Ratings. E reunion a tuma lugar den cuadro di e evaluacion anual di rating di Aruba. Despues di esaki, ta dura algun siman prome cu Aruba haya sa kico e rating pa nos isla ta bira. Basa riba e decision aki, institutonan financiero internacional por dicidi si ta fia Aruba placa of no.
Mas Politica
Lesa Mas