Cuerpo Policial di Aruba awor tin dos comisario nobo

Posted on 02/5/2026 8:50 am AST | Updated on 02/5/2026 8:51 am AST

ORANJESTAD - Minister di Husticia, mr. drs. Arthur Dowers a huramenta dos miembro di Cuerpo Policial como comisario di Polis. Ta trata aki di mr. Silvio de Mey y Adrick Croes, dos profesional cu un trayecto impresionante y di hopi aña di experencia den e organisacion policial.

Durante su discurso, Altocomisario Ramon Arnhem a repasa e carera profesional di ambos comisario nobo y a expresa su gradicemento na famianan di nan pa e comprension, sosten y apoyo constante durante nan carera como Polis.

Silvio de Mey a drenta Cuerpo Policial na edad di 18 aña y a cuminsa su carera den Korps Politie Nederlandse Antillen como Aspirant-Agent. Dia 1 di januari 1986, el a haya e oportunidad pa traha riba un di e otro islanan di Antiyas, pero a scohe conscientemente pa keda sirbi su pais Aruba. El a cuminsa su trabao den Sectie Surveillance Dienst Buitendistricten y a sigui forma parti di diferente departamento den KPA, entre otro Sectie Surveillance Dienst, Jeugd en Zeden Politie y Bureau Interne Zaken en Onderzoek. Como Onderinspecteur Eerste Klasse y cu su titulo di Meester in Rechten, de Mey a sigui su formacion na Nederlandse Politie Academie, caminda el a gradua na aña 2012 cu e titulo di Executive Master Tactical Policing (EMTP). Desde e tempo ey, el a ocupa diferente funcion, incluyendo Inspecteur, Inspecteur Eerste Klasse, Hoofdinspecteur y recientemente como waarnemend Comisario di Polis.

Adrick Croes tambe ta un figura bon conoci den KPA. El a cuminsa su formacion na Nederlandse Politie Academie na aña 2000 y na 2004 a drenta KPA como Inspecteur. Den apenas dos aña, el a subi di rango y bira Inspecteur Eerste Klasse. Desde 2008, Croes ta ocupa e funcion di Hoofdinspecteur di Polis y a eherce diferente posicion clave, manera Hoofd Informatie & Expertise, Hoofd Bijzondere Diensten, Portofeuillehouder Arrestatieteam, Hoofd Grensbewaking y Districtschef di Santa Cruz y San Nicolas.

Cu e huramentacion di Silvio de Mey y Adrick Croes como comisario, Cuerpo Policial Aruba ta fortifica su liderato y ta sigui inverti den experencia, conocemento y compromiso cu seguridad y bienestar di comunidad Arubano.

Parada grandi na Oranjestad a conta cu 25 detencion
ORANJESTAD - Diadomingo pa exactamente 11:00 mainta SMAC conhuntamente cu KPA haci inicio di parada grandi di Oranjestad.. Cuerpa Policial Aruba a conta cu 200 personal riba pia. Diferente departamento di Cuerpo Policial a traha hunto entre otro Polis Uniforma, ME, Motor Unit, K-9 , Mobiel Commando, O.C.C., Flex team, Trafico, planologie, departamento di recherche, personal administrativo y tambe personal di CEA.
Mas Polis
Lesa Mas
Nuebe chauffeur deteni pa buracheria despues di parada grandi di Oranjestad
ORANJESTAD - Unidad motorisa a activo riba carteranan di Aruba cu control den trafico dirigi riba maneha bou influencia di alcohol despues di parada grandi di Oranjestad. A controla prome, durante y despues di parada grandi di Oranjestad. Por a tuma nota cu a controla varios chauffeur y a detene den totaal di 9 persona. Na aña 2025 tambe a conta cu 13 detencion.
Mas Polis
Lesa Mas
Despues di parada grandi San Nicolas a detene 10 chauffeur bou influencia
SAN NICOLAS - Unidad motorisa a para na diferente punto strategicamente na San Nicolas pa asina por a controla e chauffeurnan prome, durante y despues di parada grandi na San Nicolas. A controla mas o menos 500 vehiculo di motor y a detene 10 chauffeur pa maneha bao influencia.
Mas Polis
Lesa Mas
Polis a detene apenas 2 persona durante parada di luz na San Nicolas
SAN NICOLAS - Polis a detene apenas 2 persona durante parada di luz na San Nicolas. Diahuebs pa 8:01 pm polis conhuntamente cu SMAC a haci inicio di Parada di Luz San Nicolas. KPA tabatin 110 personal cu ta consisti di polis uniforma, recherche, ME, Flex Team, Mobile Commando, OCC, K9 Unit,Trafico, Unidad Motorisa,Planologie, personal administrativo y personal di CEA.
Mas Polis
Lesa Mas
Barco di bela ta bay dal pega riba rif na altura di Barcadera
ORANJESTAD - Diaranson nochi un accidente a tuma luga riba lama caminda un boto a dal pega riba rif na momento cu e tabata nabega yega Aruba. E Centro Maritimo di Operacion di Wardacosta den oranan di anochi a ricibi un yamada cu tin un accidente cu a tuma luga den area di Barcadera caminda un boto lo a pega riba rif. Mesora Wardacosta a dirigi un Metal Shark pa bai na e area.
Mas Polis
Lesa Mas
Polis ta alerta cu multa lo sigui cay pa auto cu numberplaat ‘bieu’
ORANJESTAD – Cuerpo policial a recorda diaranson, cu nan lo ta controlando severamente pa plach’i di number bieu. “ Mas duidelijk nos no por ta!” e mensahe tabata. “ Nos ta den 2026, Plach'i number blauw so ta valido. Bo tin e cora y bieu e chens ta grandi bo lo haya un boet!” e mensahe tabata
Mas Polis
Lesa Mas