- Miembro di Tweede Kamer ta den studio awe di Noticiacla LIVE
- Aruba y Corsou sugeri como destinacion mas amigabel pa LGBTQ mericano
- Top funcionarionan di gobierno na Corsou lo por gana maximo 386.000 florin
- Analisis: Ora cu cuido pa adulto mayor na Aruba ta mata: Parti I
- Activista di derechonan civil Jesse Jackson (84) a fayece
Inseguridad riba edad di AOW ta afecta Arubianonan tambe cu tin pensioen hulandes
ORANJESTAD – Habitantenan di Aruba y Corsou cu a traha na Hulanda y a construi derechonan riba Algemene Ouderdomswet (AOW), ta enfrenta inseguridad nobo tocante nan edad di pensioen. Den Tweede Kamer a bira cla e siman aki cu e plan di un gabinete cu aun mester wordo forma, pa aumenta e edad di AOW mas lihe, no tin apoyo amplio den parlamento. Un mocion di GroenLinks-PvdA pa pronuncia contra un aumento acelera di e edad di AOW no a pasa. E Camara a rechasa e mocion cu 73 voto contra y 70 na fabor. Pero esaki no ke men cu e propuesta ta definitivamente fiha politicamente. Durante e debate riba e acuerdo di gobierno, hopi critica a wordo scucha, tambe di partidonan cu no a apoya e mocion. Pa Aruba y Corsou, e tema aki ta extra relevante. Hopi habitantenan a traha durante añanan den Hulanda y a construi derechonan di AOW pa cada año sigura. E AOW ta wordo paga tambe na hende cu, despues di nan bida laboral, a muda bini biba na Aruba of Corsou. Un aumento di e edad di AOW ta significa pa nan cu nan lo mester warda mas tempo pa nan pago, mientras cu hopi di nan ya no ta activo mas den mercado laboral.
CONCEPTO DI ACUERDO DI GOBIERNO
E plannan ta bin for di e concepto di acuerdo di gobierno di D66, VVD y CDA, pero e gabinete no ta forma ainda y ademas no tin un mayoria estable. Aparte di e partidonan di coalicion, tambe SGP y Grupo Markuszower a vota contra e mocion. SGP a indica cu nan no ta principialmente contra un aumento mas lihe, pero nan kier excepcionan pa hende cu ta eherce trabounan pisa. E Grupo Markuszower – cu siete asiento den Camara – a yama un declaracion na e momento aki “prematuro”, pasobra no tin un gabinete instala ainda. E prome minister designa, Rob Jetten, a reconose durante e debate cu tin hopi preocupacion den Camara. Segun e, e critica ta un punto di salida pa e futuro minister di Asuntonan Social. Esaki ta subraya cu e plannan aun ta suheto di negociacion y adaptacion politico.
INSEGURIDAD
Pa hende cu tin derechi riba AOW y pa casi-pensionadonan riba tur dos isla, esaki ta significa cu nan mester conta, pa awor, cu inseguridad continuo. Mientras cu no tin un gabinete definitivo y ningun cambio di ley no a wordo aproba, e sistema actual di AOW ta keda na vigor. Mes momento, a bira cla cu propuesta tocante edad di AOW ta politicamente sensible y no ta pasa automaticamente den parlamento. Pa esnan cu ta biba na Aruba of Corsou y a construi AOW den Hulanda, ta hasi bon di sigui e desaroyonan den Den Haag cu hopi atencion. E resultado di e formacion di gabinete y e tratamiento ulterior den Tweede Kamer lo determina finalmente si, y con lihé, e edad di AOW lo wordo aumenta efectivamente.
Aruba y Corsou sugeri como destinacion mas amigabel pa LGBTQ mericano
MIAMI/ ORANJESTAD – Pafo di Merca, expertonan di biahe ta recomenda varios destinacion pa parehanan LGBTQ+ cu ta bay luna di miel. Den Caribe, e fundador di Paradise Weddings, Jason Wright ta señala Aruba como un opcion memorabel pa parehanan, den e portal conoci Travelpulse. “Aruba ta uno di e islanan mas amigabel pa LGBTQ den Caribe,” el a bisa. “Matrimonio entre hende di mesun sexo ta legal, eventonan di pride ta wordo celebra y e oficina di turismo ta promove inclusion activamente. E ta perfecto pa parehanan cu kier beyesa caribeño pa nan luna di miel.” Su hotelnan preferi aya ta e hotel solamente pa adulto Bucuti & Tara Beach Resort y Renaissance Wind Creek Aruba Resort.
Lotto: Aruba por conoce su prome miyonario nobo pa 2026 awe
En conexion cu Dialuna di Carnaval, dialuna no tin sorteo di Lotto
Tin interes creciente pa Starlink pa Aruba, pero su efecto por ta limita
ORANJESTAD – Na Aruba e interes pa uso di e servicio di internet remoto Starlink ta creciendo. E forma di opera, compara cu sistema satelital tradicional,ta hacie interesante pa hopi isla. E ta traha diferente haciend’e un solucion efectivo pa area caminda no tin infrastructura di cable of fibra optico. Pero, segun director di SETAR, Roland Croes na Noticiacla, SETAR mes tin Aruba cubri totalmente pues e efecto pa uso remoto di internet ta casi nulo. Consecuentemente, e pensamento cu Starlink ta un bon reemplaso, no tey.
Lotto Aruba: Awe abo por ta e prome miyonario di Aruba pa 2026!
Croes: E producto di celular WOW a establece existencia di SETAR tempo di su tempo
ORANJESTAD – Durante su 40 aña di existencia, e compania di telecomunicacion SETAR, a produci centenares di Proyecto, product y cada uno tabatin su merito. Pero, riba pregunta reciente di periodista Tito Laclé na e director Roland Croes durante e programa Noticiacla LIVE, si tin un producto, cu a tipifica e compania y a pone riba e mercado, e contesta tabata, e product WOW. E servicio di telefon cu por a manda potret via telefon cellular pa otro cellular. Algo cu awendia ta algo ‘normal’. Esaki, segun e director Roland Croes, tabata un ‘game changer’ y cu a establece e existencia di SETAR na comienso di existencia di e compania. Asina e director a bisa e siman aki durante e programa Noticiacla LIVE.
Follow NoticiaCla
