- Arubiano Chadwick Tromp ta haya un otro oportunidad cu Baltimore Orioles
- OM y Reclassering cu programa piloto cu enkelband pa hobennan sospechoso
- Cristiano Ronaldo ta bira prome homber cu a score den 6 Mundial diferente
- OM ta alerta pa crecemento di posesion ilegal di arma na Aruba
- Labamento di placa ta sigui uno di e mayor preocupacionnan di Ministerio Publico
- Arubiano Chadwick Tromp ta haya un otro oportunidad cu Baltimore Orioles
- OM y Reclassering cu programa piloto cu enkelband pa hobennan sospechoso
- Cristiano Ronaldo ta bira prome homber cu a score den 6 Mundial diferente
- OM ta alerta pa crecemento di posesion ilegal di arma na Aruba
- Labamento di placa ta sigui uno di e mayor preocupacionnan di Ministerio Publico
Dos homber rescata despues di 2 dia riba laman pa boto priva banda di Corsou
WILLEMSTAD – Riba 31 di januari 2026, atardi den atardi, Wardacosta Caribe a ricibi un notificacion cu un boto di pesca cu dos homber riba bordo tabata desapareci. E boto a sali for di Islanan Aves riba 30 di januari 2026, cu dos homber di Corsou riba bordo, cu direccion pa Corsou.
Despues di ricibi e notificacion, e Centro di Operacion Maritimo (MOC) di e wardacosta Caribe, basando riba calculacionnan, a determina un area di busca pa inicia e operacion. Ademas, mensahenan UMIB y NAVTEX a wordo manda na botonan cu tabata den cercania di e area di busca, pidi nan pa keda alerta pa e boto di pesca desapareci. Tambe a wordo manda un avion Dash di e Wardacosta Caribe pa busca den region di Boneiro.
Riba mainta di 1 di februari 2026, e MOC a ricibi un mensahe cu un persona a mira un caha grandi, manera un cooler grandi, entre e barancanan riba Klein Corsou. Poco despues, un di dos notificacion a sigui, cu un otro persona cu a mira un caha grandi flota riba awa, posiblemente tambe un cooler, cerca di Oostpunt Corsou.
Casi na mes momento, e MOC a wordo contacta pa e boto di recreacion My Pearl, cu a ricibi e mensahe via radio maritimo VHF16 tocante e boto di pesca desapareci. E boto My Pearl tabata riba caminda for di Boneiro pa Klein Corsou y inmediatamente a duna asistensia cu e busca.
Siguiendo e informenan, e MOC a manda e avion Dash na direccion di Klein Corsou. Un tempo despues, e tripulacion di My Pearl a raporta cu nan a observa dos homber den laman cerca di Klein Corsou. E dos homber tabata drief riba un tapa di cooler. E tripulacion a saca tur dos homber for di awa y a mantene contacto constante cu e MOC durante e operacion di rescate.
Despues di e rescate, e boto di recreacion a sigui bay na direccion di Corsou, unda e dos homber a wordo transferi na un boto di patruya di Wardacosta Caribe. E dos homber a declara cu nan tabata flota riba laman dos dia henter y cu nan tabata hopi cansado.
Na yegada na e haf di e Warcadosta Caribe na Parera, e dos persona a wordo entrega na e servicio di ambulancia pa ricibi asistencia medico.
.