- Hulanda a bin di patras y gana Nicaragua 4-3 den un final dramatico den World Baseball Classic 2026
- Aruba ta conoce su di 4 morto den trafico pa 2026
- Venezuela a logra un victoria di 6-2 contra Hulanda den e World Baseball Classic 2026
- Van der Burg: No ta sostene idea di Eman pa cambia debe di Covid den fondo di inversion
- Vd Burg: No ta dispuesto pa 'cambia' e version actual di HOFA
Cas di Cultura cu campaña “Adopt-a-Chair” pa recauda fondo pa su renobacion
ORANJESTAD -Cas di Cultura a lansa oficialmente Adopt-a-Chair, e prome iniciativa publico pa recauda fondo bou di e campaña di renobacion; E Brasa, invitando comunidad pa tuma parti na e renobacion di Cas di Cultura, e teatro nacional di Aruba.
Cas di Cultura pa hopi tempo ta funciona como un luga cultural pa presentacionnan, educacion y encuentronan di comunidad. Pa medio di e renobacion, E Brasa, e organisacion ta trahando pa modernisa su facilidadnan mientras ta conserva e animo y herencia cu generacionnan di Arubiano a lanta cune. E campaña ta enfatisa propiedad colectivo di cultura y ta encurasha participacion publico.
E renobacion E Brasa ya caba a ricibi sosten importante di Gobierno di Aruba, y partnernan di sector priva. E contribucionnan aki a yuda pone un fundeshi fuerte pa e proyecto. E iniciativa Adopt-a-Chair awor ta habri e porta pa comunidad en general tuma parti y laga un marca visibel riba e futuro di Cas di Cultura.
E iniciativa Adopt-a-Chair ta permiti individual y famianan pa contribui directamente na e renobacion door di adopta un asiento den e teater renoba. Lo ricibi reconocemento visual a traves di un plachi di nomber pone na e parti patras di un stoel di teater pa un periodo di 10 aña, simbolisando nan contribucion na futuro di Cas di Cultura. Adopta un stoel no ta nifica propiedad di e asiento, pero mas bien ta sirbi como un reconocemento duradero di sosten.
E campaña ta ofrece tres nivel di participacion:
● Stoel di asiento general, incluyendo un certificado di aprecio
● Best seats of the house (meimei, prome tres filanan), incluyendo un certificado y un tour personalisa di e facilidad dirigi pa e director
● Asiento VIP riba balcon, incluyendo un certificado y un tour personalisa di e facilidad dirigi pa e director
UN DEDICACION PERSONAL
“Cada stoel adopta ta representa un paso mas cerca di reapertura di nos portanan y yama e comunidad bon bini bek den un espacio renoba,” asina Vicky Arens, directora di Cas di Cultura a bisa. “Nos a haya individualnan cu a dedica nan stoel na un ser keri cu a fayece, y tambe dedicacionnan di mayornan na nan yiu muhernan cu ta baila ballet riba escenario di Cas di Cultura. E ta un medio bunita pa pone un toke personal na un pida asina importante di herencia di Aruba.”
Adopt-a-Chair ta diseñá pa ta accesibel, y significante pa comunidad, reforsando e mensahe cu Cas di Cultura ta di tur hende. Fondonan recauda pa medio di e iniciativa aki lo sostene directamente e esfuersonan di renobacion cu ta andando bou di e campaña E Brasa.
E lansamento di Adopt-a-Chair ta wordo sostene pa un esfuerso di conscientisacion publico, incluyendo un jingle y updates riba medionan social cu lo destaca e treyecto di e renobacion y su impacto.
Miembronan di publico ta wordo encurasha pa sigui Cas di Cultura online pa haya sa mas di e renobacion di E Brasa y con pa participa den e campaña Adopt-a-Chair.
Pelicula documental local ‘Si e Baranca por a papia: Storianan di Sclavitud’ ta estrena na Aruba
ORANJESTAD - E siman aki e documental Si e Baranca por a Papia: Storianan di Sclavitud lo estrena den tur sala di Movies Aruba: Gloria, Renaissance y Principal. Produci door di periodista Melissa Stamper y Elai Petronia y Randall Luidens di The POV, e projecto ta marca un momento importante den e panorama cultural di Aruba como un documental completamente produci na e isla, cu e enfoke riba un parti di nos historia cu hopi biaha a keda for di e conversacion publico: e historia di sclavitud na Aruba.
ONU: Preocupacion tocante pobreza y desigualdad riba islanan caribeño den Reino Hulandes
DEN HAAG/WILLEMSTAD – Naciones Uni ta expresa atrobe preocupacion serio tocante pobreza, desigualdad y derechonan social riba e islanan caribeño den Reino. Segun e Comision di Naciones Uni pa Derechonan Economico, Social y Cultural, e diferencianan cu Hulanda Europeo ta keda grandi y ta haci falta esfuerzo adicional pa sigura derechonan humano den parti caribeño.
Lord Lally a bira e Soca Monarch 2026 diadomingo marduga
SAN NICOLAS – Despues cu inicialmente e anochi final di Soca Monarch Festival a cuminsa cu problema, un tardansa di casi 3 ora pa problema cu hurado, Soilo Sanchez, conoci como Lord Lally, a keda corona como e Soca Monarch 2026 cu e cancion The Lizard Kacking den careda di 5’or y mei di diadomingo marduga! Pabien tambe na Mitch di 5 finalista, Galloway di 4 finalista, Mighty Tattoo di 3 finalista, Diamond Chip di 2 finalista.
Carnival Cruise Line a haci donacion di 15 cuna na Stichting Casa Cuna Progreso
ORANJESTAD - Carnival Cruise Line, via su barco Carnival Conquest, a reafirma su compromiso cu comunidad di Aruba por medio di un donacion di 15 cuna na Stichting Casa Cuna Progreso. Riba 22 di januari a entrega e donacion oficialmente na Aruba durante un ceremonia special. Presente tabata representante di Aruba Tourism Authority (A.T.A.), Aruba Ports Authority N.V. (APA NV) y Stichting Casa Cuna Progreso. APA NV tabata representa pa CEO, Marc Figaroa y Chief Commercial Officer Mario Arends, mientras cu Cruise Manager, Monica Bos, tabata presente representando Aruba Tourism Authority. Jessica Canhigh, Directora di Stichting Casa Cuna Progreso, a ricibi e donacion na nomber di e organisacion.
Tata y yiu a gana titulonan di Festival di Tumba den fin di siman
SAN NICOLAS – Den fin di siman, Aruba a conoce su Rey di Tumba pa carnaval 72, den persona di Roderick ‘Rocco’ Franken, cu e tuma Decreto Final. Aparte di Franken, Gino Petrocchi a bira e ganador di Tumba Loco cu e tumba Bati’e P’e Sali. Poco mas prome, tabatin e resultado di e festival di Tumba Infantil y Hubenil. Remarcable ta cu pa loke ta e categoria di Hubenil, yiu muher di e persona cu a bira Rey di Tumba, a bira e Reina di Tumba Hubenil, den persona di Melody Franken cu e tumba ganado Ban Cumi. Pues tata y yiu ta gana premio maximo di tumba. Tambe tin e resultado di tumba infantil, cu a bay pa Jaymerson Kelly cu e tumba Oloshi Cana Pami.
Elmar relaciona cu 75 aniversario a reparti donacion di 150 mil entre 20 instancia social
ORANJESTAD - Hunto Nos ta Briya Mas! 20 instancia social a ricibi un donacion den cuadro di 75 aniversario di ELMAR. Nos Corporate Social Responsibility (CSR) ta enfoca riba 4 categoria: deporte, cultura, sostenibilidad y causanan social pa gruponan vulnerabel. ELMAR a haci un donacion na e instancianan aki pa nan por sigui comparti e luz di speransa cu tur esnan di mas necesidad den nos comunidad, alabes ELMAR ta gradici nan pa asisti pa celebra nos 75 aña iluminando Aruba.
Follow NoticiaCla
