Homber cu a purba ataca polis cu cuchiu, a fayece despues cu polis a tira riba dje

ORANJESTAD - Diamars atardi pa mas o menos 3:10pm di atardi Central di Polis ta haya un yamada di FACT Team di Respaldo pa cu assistencia di polis na un cas na Pos Abao.  A resulta cu tabata trata di un pashent di Respaldo, cu no tabata coopera cu FACT Team y a pidi sosten di polis y ambulance na e sitio. Na yegada di patruya ta bin topa cu e pashent cu un machete den man y hopi agresivo.  Na varios ocasion polis na e sitio ta purba calma e pashent y a dun’e orden pa e pone e machete abao. Pero e pashent no a sigi ordo di polis y na dado momento e la bay den e direcion di e agente policial cu e machete. Mirando e situacion serio entre e agente policial y e pashent, e polis lo mester a saca su arma reglamentario y a los tiro, alcansando e pashent.

A pidi ambulance cu maximo urgencia na e sitio di e sucedido. Ambulance a yega na e sitio y a trata e victima y stabilise pa despues bay cune cu maximo urgencia pa hospital. Lamentabelmente un rato despues ta drenta informacion cu e victima a fayece. Ta trata di e hende homber F.M.H. naci na Aruba dia 30 di augustus 1989 (36 aña). 

Autoridadnan concerni a presenta na e sitio di e sucedido. Ta trata di polis technico,departamento di slachtofferhulp comi tambe LandsRecherce. E caso ta bao di investigacion y den man di Landsrecherche pa motibo cu ta trata di un funcionario policial.