Bom ta explota den PVV: fraccion ta rebeldia contra e lider Geert Wilders

 HULANDA – Un crisis interno serio a surgi den PVV despues di un rebelion contra lider Geert Wilders. Siete miembro di Parlamento a anuncia cu nan ta separa for di e fraccion. Segun nan, Wilders ta actua demasiado autoritario, a maneha e campana malo, y nan ta critica su curso politico pa no colabora cu e gabinete minoritario.

Mas temprano awe, via De Telegraaf, a sali na cla un carta urgente for di miembro di fraccion, carta cu tambe ta den posesion di e medio aki. E carta a wordo redacta pa Gidi Markuszower, cu a confirma esaki. Otro seis miembro a coloca nan mes tras di dje y a dicidi sali for di PVV.

E ex-miembronan ta critica Wilders fuertemente. Den e carta, nan ta declara cu, “cu e posicion cu nos ta tuma actualmente como fraccion, y cu e curso cu nos ta sigui como fraccion”, nan no ta mira con nos lo por sirbi nos elector nan di un manera efectivo den e añanan cu ta bin.

Nan ta enfatisa cu, contrario na Wilders, nan kier conduci oposicion constructivo. “Precisamente cu un gabinete minoritario, nos por haci acuerdo. E pais ta necesita solucion y no solamente critica,” asina nan ta conclui.