- Miembro di Tweede Kamer ta den studio awe di Noticiacla LIVE
- Aruba y Corsou sugeri como destinacion mas amigabel pa LGBTQ mericano
- Top funcionarionan di gobierno na Corsou lo por gana maximo 386.000 florin
- Analisis: Ora cu cuido pa adulto mayor na Aruba ta mata: Parti I
- Activista di derechonan civil Jesse Jackson (84) a fayece
Aruba a otorga casi mil permiso di construccion na 2025
ORANJESTAD – Departamento di Beleid & Toezicht di Dienst Openbare Werken (DOW) a otorga na total 945 permiso di construccion durante aña 2025. Esaki ta resulta for di cifranan cu e departamento a haci publico dialuna, cubriendo e periodo di 6 januari te cu 28 december 2025.
Durante e periodo aki, DOW a ricibi 1.043 solicitud pa permiso di construccion. Banda di e permisonan cu a wordo otorga, 268 solicitud a wordo rechasá. Na fin di aña, ainda tabatin 906 solicitud den trato.
E cifranan ta señala riba un nivel halto di actividad di construccion na Aruba, cu un cantidad grandi di habitantenan y emprendedornan cu a entrega planonan pa construccion di cas y proyectonan comercial. Na mes momento, e cantidad di solicitudnan rechasá y esnan cu ainda ta den proceso ta mustra cu un parti considerable di e dosiernan no ta conduci inmediatamente na un permiso.
DOW ta indica cu solicitantenan mester entrega un set completo di documento pa por califica pa un permiso di construccion. Pa construccion di cas, esaki ta inclui entre otro plannan di construccion y situacion, calculo structural, acto notarial o decision ministerial, y un documento di identificacion. Pa edificio comercial, e requisito nan ta mayormente similar, complementa cu formulario adicional.
Den tur dos caso, e costo di solicitud ta 200 florin.
Aruba y Corsou sugeri como destinacion mas amigabel pa LGBTQ mericano
MIAMI/ ORANJESTAD – Pafo di Merca, expertonan di biahe ta recomenda varios destinacion pa parehanan LGBTQ+ cu ta bay luna di miel. Den Caribe, e fundador di Paradise Weddings, Jason Wright ta señala Aruba como un opcion memorabel pa parehanan, den e portal conoci Travelpulse. “Aruba ta uno di e islanan mas amigabel pa LGBTQ den Caribe,” el a bisa. “Matrimonio entre hende di mesun sexo ta legal, eventonan di pride ta wordo celebra y e oficina di turismo ta promove inclusion activamente. E ta perfecto pa parehanan cu kier beyesa caribeño pa nan luna di miel.” Su hotelnan preferi aya ta e hotel solamente pa adulto Bucuti & Tara Beach Resort y Renaissance Wind Creek Aruba Resort.
Lotto: Aruba por conoce su prome miyonario nobo pa 2026 awe
En conexion cu Dialuna di Carnaval, dialuna no tin sorteo di Lotto
Tin interes creciente pa Starlink pa Aruba, pero su efecto por ta limita
ORANJESTAD – Na Aruba e interes pa uso di e servicio di internet remoto Starlink ta creciendo. E forma di opera, compara cu sistema satelital tradicional,ta hacie interesante pa hopi isla. E ta traha diferente haciend’e un solucion efectivo pa area caminda no tin infrastructura di cable of fibra optico. Pero, segun director di SETAR, Roland Croes na Noticiacla, SETAR mes tin Aruba cubri totalmente pues e efecto pa uso remoto di internet ta casi nulo. Consecuentemente, e pensamento cu Starlink ta un bon reemplaso, no tey.
Lotto Aruba: Awe abo por ta e prome miyonario di Aruba pa 2026!
Croes: E producto di celular WOW a establece existencia di SETAR tempo di su tempo
ORANJESTAD – Durante su 40 aña di existencia, e compania di telecomunicacion SETAR, a produci centenares di Proyecto, product y cada uno tabatin su merito. Pero, riba pregunta reciente di periodista Tito Laclé na e director Roland Croes durante e programa Noticiacla LIVE, si tin un producto, cu a tipifica e compania y a pone riba e mercado, e contesta tabata, e product WOW. E servicio di telefon cu por a manda potret via telefon cellular pa otro cellular. Algo cu awendia ta algo ‘normal’. Esaki, segun e director Roland Croes, tabata un ‘game changer’ y cu a establece e existencia di SETAR na comienso di existencia di e compania. Asina e director a bisa e siman aki durante e programa Noticiacla LIVE.
Follow NoticiaCla
