Polis a parti mas di 60 multa na chauffeurnan durante control diabierna

ORANJESTAD -  Diabierna den oranan di anochi Polis di Districto di Oranjestad a tene un control pisa di trafico. Na diferente puntonan strategico a haci diferente control tambe a constata varios infraccion den trafico. 

Durante e control a para 152 vehiculo di motor y a reparti 68 boet. 

E boetnan tabata entre otro number di vehiuclo, keur, seguro, velocidad halto, faha di seguridad, rijbewijs y luz di auto.

Cuerpo Policial ta keda recorda pa percura pa bo tin e documentonan di bo vehiculo di motor cubo y percura cu nan ta valido. Tambe ta conta pa peaton y vehiculo sin motor cu tambe ta forma parti di trafico cu nan tambe mester mantene nan mes na reglanan di trafico.

E controlnan aki NO ta para, no tin orario tampoco, polis a sigui bisa.